- 2020-03-12 04:22:14
- ព័ត៌មាន
កូដ iOS 14 បង្ហាញផលិតផលថ្មីៗដែល Apple មិនទាន់ប្រកាស
- 2020-03-12 04:22:14
- ចំនួនមតិ 0 | ចំនួនចែករំលែក 0
កូដ iOS 14 បង្ហាញផលិតផលថ្មីៗដែល Apple មិនទាន់ប្រកាស
ចន្លោះមិនឃើញ
តាមរយៈកូដដែលក្រុមការងារ 9to5Mac ប្រទះឃើញនៅលើប្រព័ន្ធប្រតិបត្តិការ iOS 14 គេអាចដឹងរឿងរ៉ាវបន្ថែមទៀតទាក់ទងនឹងផលិតផល និង Software ថ្មីៗរបស់ Apple ត្រៀមប្រកាសចេញនាពេលខាងមុខ។
យ៉ាងណាក្ដីកូដដែលលេចធ្លាយនេះមានន័យថា Apple កំពុងធ្វើការបង្កើតផលិតផល និងមុខងារទាំងនេះ ប៉ុន្តែមិនប្រាកដថាពួកវានឹងចេញលក់ ឬមានបំពាក់នៅលើ iOS ជំនាន់បន្ទាប់ ១០០% នោះទេ។ មានមុខងារខ្លះអាចត្រូវពន្យារពេលការបញ្ចេញ ឬបោះបង់ចោលតែម្ដង។ ចំណែកទាក់ទងនឹងផលិតផលវិញ ក៏ពិបាកក្នុងការព្យាករណ៍ដែរ។
ផលិតផល
កូដដែលលេចធ្លាយហាក់បានបញ្ជាក់អំពីផលិតមួយចំនួនដែលត្រៀមប្រកាសចេញ ៖
Apple កំពុងផលិត iPhone ដែលមានទ្រនាប់ស្កេនម្រាមដៃ Touch ID។ វាអាចជា iPhone 9 ឬ iPhone SE 2 ដែលជាប្រភេទ iPhone មានតម្លៃធូរ។
Apple TV ថ្មីកំពុងតែស្ថិតក្នុងការផលិតជាមួយនឹងតេឡេបញ្ជាថ្មីផងដែរ។
ភាគច្រើននៃដំណឹងនេះគឺធ្លាប់បានគេដឹងឮរួចមកហើយតាមពាក្យចចាមអារ៉ាម ប៉ុន្តែវត្តមានរបស់ពួកវាក្នុង iOS 14 ហាក់បានបញ្ជាក់ថាវាគឺជាពាក្យចចាមអារ៉ាមច្បាស់ការណ៍។
Software
មុខងារថ្មីមួយចំនួននៃ Software ក៏ត្រូវបានគេប្រទះឃើញលើកូដ iOS 14 ដែរ ហើយមុខងារទាំងនេះមិនធ្លាប់លេចធ្លាយតាមពាក្យចចាមអារ៉ាមនាពេលកន្លងមកនោះទេ ៖
ផ្ទាំង Home នៃ iOS នឹងមានការបង្ហាញបែប List View ថ្មី ដែលអាចឲ្យងាយស្រួលស្វែងរកកម្មវិធី។ យ៉ាងណាក្ដីគេមិនច្បាស់ថាផ្ទាំងនេះនឹងបង្ហាញនៅទីតាំងណានោះទេ។
មានកម្មវិធី AR ថ្មីអាចឲ្យអ្នកបាញ់កាមេរ៉ាទូរសព្ទលើវត្ថុពិតៗ និងអាចបង្ហាញព័ត៌មានអំពីវត្ថុនោះ។ បើសិននៅហាង Apple វានឹងបង្ហាញព័ត៌មាននៃតម្លៃ និងមុខងារផលិតផល ប្រសិនបើបាញ់កាមេរ៉ាទូរសព្ទចំផលិតផលណាមួយដូចជា iPhone ជាដើម។ Apple ក៏បានធ្វើការជាមួយ Starbucks សម្រាប់ទ្រាំទ្រមុខងារនេះផងដែរ។
កម្មវិធី HomeKit នឹងអាចប្ដូរពណ៌នៃអំពូលដើម្បីស៊ីគ្នានឹងពន្លឺព្រះអាទិត្យនៅខាងក្រៅ
Apple នឹងបញ្ចូលការប្រកួតថតរូប #ShotOniPhone ចូលក្នុងកម្មវិធី Photos ស្រាប់តែម្ដង៕