- 2019-07-29 01:48:43
- ព័ត៌មាន
មេធំ Nubia ឲ្យតម្រុយថាស្មាតហ្វូនម៉ូឌែលថ្មី អាចថតវីដេអូដល់កម្រិត 8K
- 2019-07-29 01:48:43
- ចំនួនមតិ 0 | ចំនួនចែករំលែក 0
មេធំ Nubia ឲ្យតម្រុយថាស្មាតហ្វូនម៉ូឌែលថ្មី អាចថតវីដេអូដល់កម្រិត 8K
ចន្លោះមិនឃើញ
នៅថ្ងៃទី ៨ សីហា ឆ្នាំ ២០១៩ រំលងព្រឹត្តិការណ៍ប្រកាស Galaxy Note 10 មួយថ្ងៃ ក្រុមហ៊ុន Nubia ក៏នឹងចេញផ្សាយនូវស្មាតហ្វូន Nubia Z20 របស់ខ្លួនដែលធ្លាប់ល្ហិចល្ហៀងតាមចចាមអារ៉ាមអស់រយៈពេលជាយូរណាស់មកហើយ។
អ្នកគ្រប់គ្រងក្រុមហ៊ុន Nubia លោក Ni Fei បានទម្លាយប្រាប់ជាសាធារណៈនៅឯសន្និសីទ GMIC កាលពីថ្មីៗនេះថា Z20 នឹងក្លាយជាស្មាតហ្វូនដែលអាចថតវីដេអូដល់កម្រិត 8K ប៉ុន្តែខុសពី Red Magic 3 ដែលថតបានត្រឹមលក្ខខណ្ឌ 15fps ពោលគឺ Z20 ទំនងជាមាន Frame Rate ខ្ពស់ជាង។ ជាងនេះលោកក៏បង្ហើបថាស្មាតហ្វូននោះនឹងមានបញ្ចូលនូវមុខងារពិសេសៗសម្រាប់ការថតវីដេអូអាជីពផងដែរ។
ក្រៅពីការថតវីដេអូនៅកម្រិតខ្ពស់កប់ពពក Z20 នឹងពាំនាំមកជាមួយនូវបច្ចេកវិទ្យាអេក្រង់ដ៏ពិសេស ប៉ុន្តែខាងក្រុមហ៊ុនមិនទាន់លម្អិតថាមានភាពខុសប្លែកពីគូប្រជែងដទៃបែបណានោះឡើយ។
តាមការព្យាករណ៍ជំនាន់ក្រោយនេះទំនងជាប្រើប្រាស់បន្ទះឈីប Snapdragon 855 ឬអាចឡើងដល់ 855+ អមអេក្រង់ AMOLED ខណៈផ្នែកកាមេរ៉ាអាច Zoom ដល់កម្រិត 20x ដូចបានចែកចាយកន្លងមក តែមាន Sensor ប៉ុន្មានគ្រាប់ យើងនឹងរង់ចាំអុតមើលនៅថ្ងៃខាងមុខ៕
អានអត្ថបទ:
