- 2019-05-07 03:47:13
- ព័ត៌មាន
២-៣ សប្ដាហ៍ម្ដង Apple ទិញចូលក្រុមហ៊ុនមួយ
- 2019-05-07 03:47:13
- ចំនួនមតិ 0 | ចំនួនចែករំលែក 0
២-៣ សប្ដាហ៍ម្ដង Apple ទិញចូលក្រុមហ៊ុនមួយ
ចន្លោះមិនឃើញ
ក្នុងជំនួបជាមួយសារព័ត៌មាន CNBC លោក Tim Cook នាយកប្រតិបត្តិ Apple បានប្រាប់ឲ្យដឹងថា ក្រុមហ៊ុនរបស់ខ្លួនតែងទិញចូលក្រុមហ៊ុនមួយ ក្នុងរយៈពេលប្រមាណ ២ ទៅ ៣ សប្ដាហ៍ម្ដង។
ក្នុងរយៈពេល ៦ ខែចុងក្រោយនេះ លោក Tim ឲ្យដឹងថា Apple បានទិញចូលក្រុមហ៊ុនប្រហែល ២០ ទៅ ២៥ ក្រុមហ៊ុន។ Apple តែងតែមិនប្រកាសពីការទិញចូលនេះ ដោយសារក្រុមហ៊ុនដែលទិញជាក្រុមហ៊ុនតូច ហើយ Apple ស្វែងរកក្រុមហ៊ុនមានទេពកោសល្យ និងមានកម្មសិទ្ធិបញ្ញាត្រឹមត្រូវ ។ នេះជាការពន្យល់បន្ថែមរបស់នាយកប្រតិបត្តិខាងលើ។
យុទ្ធសាស្ត្រនៃការទិញក្រុមហ៊ុននេះ ឃើញថាផ្ដល់ជាលទ្ធផលល្អគួរសមសម្រាប់ Apple។ ដូចជានៅឆ្នាំ ២០១៨ ក្រុមហ៊ុន Apple បានទិញយកសេវាកម្មទស្សនាវដ្ដីអនឡាញ Texture សម្រាប់អភិវឌ្ឍទៅជាសេវាកម្ម Apple News+ ថ្មី ដែលមានផ្ដល់ជូនទស្សនាវដ្ដីច្រើនប្រភេទ។
គួរដឹងថាទិញយកធំបំផុតរបស់ Apple ក្នុងប្រវត្តិសាស្ត្រគឺកាលពីឆ្នាំ ២០១៤ ដែលបានចំណាយ ៣ ពាន់លានដុល្លារទិញយកក្រុមហ៊ុន Beats។ Apple បានកែប្រែ Beats ទៅជាសេវាកម្ម Apple Music និងបន្តលក់កាស Beats ផងដែរ៕
