- 2019-05-28 03:00:44
- ព័ត៌មាន
ទូរសព្ទមានបង្កប់កូនកង្ហារពីក្នុង ចេញលក់ទូទាំងពិភពលោកហើយ
- 2019-05-28 03:00:44
- ចំនួនមតិ 0 | ចំនួនចែករំលែក 0
ទូរសព្ទមានបង្កប់កូនកង្ហារពីក្នុង ចេញលក់ទូទាំងពិភពលោកហើយ
ចន្លោះមិនឃើញ
ក្រុមហ៊ុន ZTE បានពង្រីកទីផ្សារសម្រាប់លក់ស្មាតហ្វូនម៉ូដែល Red Magic 3 នៅតំបន់សំខាន់ៗជាច្រើននៅលើពិភពលោក រួមមានតំបន់អឺរ៉ុប, អាមេរិកខាងជើង, អូស្ត្រាលី និងប្រទេសអាស៊ានមួយចំនួន។
Red Magic 3 ជាស្មាតហ្វូនដំបូងគេដែលមានបំពាក់កូនកង្ហារពិតៗនៅខាងក្នុងជួយបញ្ចុះកម្ដៅ និង ដំបូងគេដែលអាចថតវីដេអូកម្រិត 8K ផងដែរ។ ទូរសព្ទនេះមានតម្លៃចាប់ពី ៤៧៩ ដុល្លារ/៤៧៩ អឺរ៉ូ សម្រាប់ប្រភេទ RAM ៨ GB/ROM ១២៨ GB និង តម្លៃ ៥៩៩ ដុល្លារ/ ៥៩៩ អឺរ៉ូ សម្រាប់ប្រភេទ RAM ១២ GB និង ROM ២៥៦ GB។
ចាប់ពីថ្ងៃនេះទៅ Red Magic 3 មានលក់នៅអឺរ៉ុប, អង់គ្លេស, សហរដ្ឋអាមេរិក, កាណាដា, អូស្ត្រាលី, អ៊ីស្រាអែល, ហុងកុង, ជប៉ុន, សិង្ហបុរី, ឥណ្ឌូណេស៊ី, តៃវ៉ាន់ និង ម៉ាកាវ។ ចំណែកប្រទេសឥណ្ឌាអាចនឹងមានលក់នៅពាក់កណ្ដាលខែមិថុនាខាងមុខ។
Red Magic 3 មានបំពាក់អេក្រង់ AMOLED ទំហំ ៦,៦៥ អ៊ីញ អាចបង្ហាញរូបក្នុងកម្រិត FHD+ ហើយមាន Refresh Rate ល្បឿនដល់ ៩០ Hz (ស្មាតហ្វូនធម្មតាមានត្រឹម ៦០ Hz)។ លើស្មាតហ្វូននេះក៏មានបំពាក់ដោយរន្ធបំពងសំឡេងបែបស្តេរ៉េអូ និង បញ្ចេញសំឡេងបែប 3D បានយ៉ាងពីរោះរណ្ដំ។
ខាងក្រោយស្មាតហ្វូននេះមានកាមេរ៉ាមួយគ្រាប់កម្រិត ៤៨ MP ដែលអាចថតវីដេអូក្នុងកម្រិត 8K និងអាចថតវីដេអូក្នុងល្បឿនយឺតបំផុតដល់ ១៩២០ ប្លង់/វិនាទី ខណៈដែលទូរសព្ទផ្សេងថតបានត្រឹម ៩៦០ ប្លង់/វិនាទីប៉ុណ្ណោះ។ កាមេរ៉ា Selfie មានកម្រិត ១៦ MP។
Red Magic 3 មានបំពាក់ថ្មទំហំ ៥០០០ mAh អាចទ្រាំទ្រនឹងការប្រើប្រាស់ពេញមួយថ្ងៃ។ ស្មាតហ្វូននេះក៏មាននូវផ្ទាំងពិសេសមួយសម្រាប់ Gamer ដែលអាចឲ្យអ្នកចូលបើកហ្គេមបានលឿន, ឆែកមើលល្បឿនកង្ហារ, ឆែកមើលសីតុណ្ហភាពទូរសព្ទ និងថតវីដេអូលើអេក្រង់ពេលកំពុងលេងហ្គេមបានទៀត៕
ចុចអាន៖
