- 2019-06-12 07:44:15
- ព័ត៌មាន
ពេលនេះ PUBG ជាហ្គេមរកលុយបានច្រើនជាងគេក្នុងលោក
- 2019-06-12 07:44:15
- ចំនួនមតិ 0 | ចំនួនចែករំលែក 0
ពេលនេះ PUBG ជាហ្គេមរកលុយបានច្រើនជាងគេក្នុងលោក
ចន្លោះមិនឃើញ
PUBG Mobile មិនត្រឹមជាហ្គេមល្បីជាងគេក្នុងលោកនោះទេ (មានអ្នកលេងជាង ១០០ លាននាក់ប្រចាំខែ) នៅពេលនេះវាក៏បានក្លាយជាហ្គេមរកចំណូលបានច្រើនជាងគេក្នុងលោក ដោយរកចំណូលបានជាង ១៤៦ លានដុល្លារកលាពីខែមុន។ នេះបើផ្អែកតាមតួលេខចេញផ្សាយដោយ The Financial Times។
ចំណូលដែលរកបានមិនមែនបានមកតែពីការលក់ Item និងស្បែកដល់អ្នកលេង PUBG Mobile ប៉ុណ្ណោះទេ ប៉ុន្តែក៏បូកបញ្ចូលចំណូលដែលបានពីហ្គេម Game For Peace ផងដែរ។ Game For Peace គឺជាហ្គេមដែលបម្លែងចេញពីហ្គេម PUBG Mobile ក្រោយពីក្រុមហ៊ុនយក្សចិន មិនអាចទទួលបានអាជ្ញាប័ណ្ណពីរដ្ឋាភិបាលចិនក្នុងការយកកម្រៃពីហ្គេម PUBG។
គួរដឹងថា Tencent បានផ្ទេរអ្នកលេងពី PUBG Mobile ទៅកាន់ Game For Peace។ ហេតុនេះចំណូលនៃបានពីរហ្គេមទាំងពីរត្រូវបូកបញ្ចូលគ្នា។ Game For Peace ទទួលបានអាជ្ញាប័ណ្ណពីរដ្ឋាភិបាលរួចមកហើយសម្រាប់ការរកលុយ ដោយសារវាជាហ្គេមបង្ហាញពីការស្នេហាជាតិ។ អ្នកវិភាគមួយរូបបានរៀបរាប់ហ្គេមនេះថាជាការឧទ្ទិសដល់ កងទ័ពអាកាសនៃកងទ័ពរំដោះប្រជាជនចិន ជាផ្នែកមួយនៃកងទ័ពជាតិរបស់ចិន។
តាមការប៉ាន់ស្មានរបស់ក្រុមហ៊ុនចិន Great Wall Securities បានឲ្យដឹងថា PUBG Mobile អាចរកចំណូលបាន ៧៦ លានដុល្លារ ខណៈ Game For Peace រកចំណូលបាន ៧០ លានដុល្លារ កាលពីខែមុន៕
ចុចអាន៖
