- 2019-06-11 04:06:41
- ព័ត៌មាន
ប្រធាន Huawei ថាត្រូវការពេលបន្ថែមទៀត ដើម្បីឈរលើតំណែងកំពូល
- 2019-06-11 04:06:41
- ចំនួនមតិ 0 | ចំនួនចែករំលែក 0
ប្រធាន Huawei ថាត្រូវការពេលបន្ថែមទៀត ដើម្បីឈរលើតំណែងកំពូល
ចន្លោះមិនឃើញ
ក្រុមហ៊ុន Huawei នឹងត្រូវការពេលបន្ថែមទៀតដើម្បីក្លាយជាក្រុមហ៊ុនផលិតស្មាតហ្វូនធំជាងគេក្នុងលោក។ វាជាគោលដៅមួយដែលក្រុមហ៊ុនធ្លាប់ចង់សម្រេចឲ្យបាននៅត្រីមាសទី ៤ ឆ្នាំ ២០១៩ នេះ។
លោក Shao Yang ប្រធានផ្នែកយុទ្ធសាស្ត្រនៃក្រុមហ៊ុន Huawei បានលើកឡើងនៅថ្ងៃអង្គារនេះថា ៖ "យើងអាចធំជាងគេនៅត្រីមាសទី ៤ ឆ្នាំនេះ ប៉ុន្តែពេលនេះយើងយល់ថាដំណើរការនេះអាចត្រូវការពេលយូរជាងនេះទៀត”។
សម្ដីមួយឃ្លានេះបន្លឺឡើង បន្ទាប់ពីសហរដ្ឋអាមេរិកបានដាក់ Huawei ចូលក្នុងបញ្ជីខ្មៅកាលពីខែមុន ដែលបានបិទផ្លូវ Huawei មិនឲ្យធ្វើជំនួញជាមួយក្រុមហ៊ុនបច្ចេកវិទ្យាអាមេរិកដូចជា Google ដែលជាអ្នកបង្កើត Android ជាដើម។
កាលពីខែមករាកន្លងទៅ Huawei ធ្លាប់បាននិយាយថា ខ្លួននឹងក្លាយជាក្រុមហ៊ុនលក់ស្មាតហ្វូនបានច្រើនជាងគេនៅក្នុងឆ្នាំនេះ ទោះបីជាមិនមានទីផ្សារនៅអាមេរិកក្ដី។ នៅត្រីមាសទី ១ ឆ្នាំនេះ Huawei ជាប់លេខ ២ ជាក្រុមហ៊ុនលក់ស្មាតហ្វូនបានច្រើន នៅពីក្រោយ Samsung។ នេះបើតាមទិន្នន័យពីក្រុមហ៊ុនស្រាវជ្រាវ Gartner៕
ចុចអាន៖
