ធ្លាប់ជារថយន្តលក់ដាច់ខ្លាំង ពេលនេះ Pruis c គេឈប់ផលិតហើយ

2019-06-05 02:11:18
ព័ត៌មាន

2019-06-05 02:11:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតរថយន្តជប៉ុន Toyota បានចេញមុខមកបញ្ជាក់ពីអនាគតរថយន្តមួយម៉ូដែលនៅក្នុងត្រកូល Toyota Prius គឺ Prius C ដែលខ្លួននឹងកាត់បន្ថយការផលិត ឈានទៅរកការឈប់ផលិតរថយន្តនេះតែម្ដង។ ហេតុផលចម្បងនោះគឺ Prius C មានទីផ្សារតូច លក់មិនសូវដាច់ឡើយ បើប្រៀបធៀបទៅនឹង Prius ផ្ទាល់និង Prius Prime។

Prius C ជំនាន់ចុងក្រោយបង្អស់ឆ្នាំ ២០១៩

ម៉្យាងទៀត ការចេញរថយន្ត Corolla ប្រភេទ Hybrid ធ្វើឲ្យ Prius C កាន់តែមានភាពលំបាកក្នុងការលក់ចេញទៀត។ Toyota Prius C គឺជារថយន្តដែលមានរាងតូចជាង Prius ធម្មតា ងាយស្រួលចូលចត ហើយមានអត្រាស៊ីសាំងជាមធ្យមតែ ៥,១១ លីត្រ ប៉ុណ្ណោះក្នុងចម្ងាយផ្លូវ ១០០ គ.ម។

Toyota Corolla Hybrid ស៊េរីឆ្នាំ ២០២០

យ៉ាងណាមិញ គូប្រជែងដែលចេញថ្មីពីក្រុមហ៊ុនតែមួយគឺ Toyota Corolla Hybrid ស៊េរីឆ្នាំ ២០២០ នោះ និងមានអត្រាស៊ីសាំងទាបជាងហ្នឹងទៅទៀត ទោះបីជាវាមានទម្ងន់ធ្ងន់ និងរាងធំជាង Prius C ក៏ដោយចុះ។ លោក Ed Laukes ប្រធានក្រុមផ្នែកទីផ្សាររបស់ Toyota បាននិយាយថា៖ "Toyota Prius C បានដើរតាមអ្វីដែលគេចង់ឃើញហើយ ប៉ុន្តែវាត្រូវដល់ពេលដែលអ្នកនឹងលែងបានឃើញវាតទៅទៀត "។

ជាការពិតណាស់ Toyota Prius C ជារថយន្តប្រើសាំងលាយអាគុយ ដែលលេចមុខក្នុងត្រកូល Prius កាលពីឆ្នាំ ២០១២ ហើយរូបរាងវាក៏មានការកែប្រែខ្លះៗដែរ តាំងតែចាប់ផ្ដើមចេញមុខលើទីផ្សារមក ហើយម៉ូដែល ដែលលេចធ្លោបំផុតនោះគឺ Prius C ស៊េរីឆ្នាំ ២០១៧ ដែលមានមុខងារ Toyota Safety Sence-C មកជាស្តង់ដារគ្រប់ Option ទាំងអស់៕