Galaxy Note10 នឹងមានកាមេរ៉ាមិនខុសពី S10 ប៉ុន្តែប្ដូរទីតាំងថ្មី

2019-05-30 04:03:50
ព័ត៌មាន

2019-05-30 04:03:50
ចំនួនមតិ 0 | ចំនួនចែករំលែក 0

ចន្លោះមិនឃើញ

Galaxy Note10 នឹងមិនមានការកែប្រែរូបរាងខុសប្លែកពីស៊េរីមុនប៉ុន្មាននោះទេ ប៉ុន្តែតាមរយៈលក្ខណៈសម្បត្តិដែលលេចធ្លាយកន្លងមកនេះ ឃើញថាលេចធ្លោជាងស៊េរីមុន។ ពេលនេះដំណឹងថ្មីចេញពី Ice Universe បានបង្ហាញឲ្យដឹងកាន់តែច្បាស់បន្ថែមអំពីស្មាតហ្វូនជំនាន់ចុងក្រោយនេះ។

រូបភាព Render

Galaxy Note10 រំពឹងថានឹងមានបំពាក់កាមេរ៉ា Selfie ពីរគ្រាប់នៅខាងមុខដូចជា S10+ ដែរ ដោយសារត្រកូលនេះមានតម្លៃថ្លៃ។ ប៉ុន្តែតាមការបញ្ជាក់របស់ Ice Universe នឹងមិនដូច្នេះឡើយ។ ផ្ទុយទៅវិញ Note10 និង Note10 Pro នឹងបំពាក់កាមេរ៉ា Selfie តែមួយគ្រាប់នៅចំកណ្ដាល ដែលអាចមានទំហំ ១០ MP ដូច Galaxy S10 ដែរ។

រូបភាព Render

ផ្នែកខាងក្រោយមានការផ្លាស់ប្ដូរទីតាំងខុសពីមុន ពោលប្ដូរពីការតម្រៀបកាមេរ៉ាជាជួរផ្ដេក មកតម្រៀបជាជួរឈរវិញ ដោយមានពីរជួរ និងរំពឹងថាមានបំពាក់កាមេរ៉ាសរុប ៤ គ្រាប់។ ប្រៀបធៀបនឹង Note9 កាមេរ៉ាថ្មីដែលត្រូវបន្ថែមលើ Note10 គឺកាមេរ៉ា Time-of-Flight និងកាមេរ៉ា Ultra-Wide កម្រិត ១៦ MP អាចថតរូបទំហំ ១២៣ ដឺក្រេ។ កាមេរ៉ាពីរទៀតគឺកាមេរ៉ាមេទំហំ ១២ MP និងកាមេរ៉ា Zoom បាន ២ ដង។

រូបភាព Render

តាមប្រភពខាងលើបានឲ្យដឹងថា Samsung ធ្លាប់បានពិចារណាដាក់កាមេរ៉ា Zoom Optical បាន ១០ ដងលើ Note10 ដែលប្រជែងនឹង P30 Pro Zoom Optical បាន ៥ ដង។ ប៉ុន្តែក្រុមហ៊ុនកូរ៉េនេះបានបោះបង់គំនិតចោលវិញ ដោយសារកាមេរ៉ានេះមានទំហំធំ ប៉ុន្តែសង្ឃឹមថា Samsung នឹងមានដំណោះស្រាយលើចំណុចនេះ។

ប្រភពដដែលបានបង្ហាញការជឿជាក់ថា Galaxy S11 នឹងមានការកែប្រែផ្នែកកាមេរ៉ាច្រើនបំផុត ដោយអាចដំឡើងកម្រិត MP របស់កាមេរ៉ា និងប្រើ Sensor ទំហំធំជាងមុន។ គួរដឹងថា Samsung បានប្រើទម្រង់កាមេរ៉ាកម្រិត ១២ MP ដែលមាន Sensor 1/2.55 អ៊ីញ យូរមកហើយ តាំងពីស៊េរី Galaxy S7៕

ចុចអាន៖

ប្រភព៖ PhoneArena ប្រែសម្រួល៖ សុខហេង