ខ្លាំងបាត់! Huawei ចេញសារអរគុណ Apple បង្កប់ន័យឌឺដងខ្លាំង

2019-03-26 02:37:17
ព័ត៌មាន

2019-03-26 02:37:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយប់មិញនេះ Apple បានបង្ហាញចេញសេវាកម្មថ្មីៗជាច្រើន ក្នុងគោលបំណងសម្រេចគោលដៅបង្កើនចំណូលលើផ្នែកសេវាកម្មរបស់ខ្លួនឲ្យបាន ៥០ ពាន់ដុល្លារក្នុងមួយឆ្នាំ ត្រឹមឆ្នាំ ២០២០។

ក្រោយពីការប្រកាសបានបញ្ចប់ទៅក្រុមហ៊ុន Huawei ដែលជាគូប្រជែងដ៏ខ្លាំងក្លាមួយនោះ បានបញ្ចេញសារអរគុណមួយដល់ Apple ដែលមានបង្កប់អត្ថន័យជ្រាលជ្រៅ។ គណនី Huawei ប្រចាំប្រទេសអៀរឡង់បានបង្ហោះរូបដែលមានសរសេរពាក្យថា ៖ "Thanks for the warm up Tim.” ដែលឃ្លានេះមានន័យថា "អរគុណសម្រាប់ការកម្ដៅសាច់ដុំ លោក Tim”។

Caption នៃរូបភាពនេះដែរ មានសរសេរថា ៖ "Thanks for the warm up, now on to the main event...” មានន័យថា "អរគុណសម្រាប់ការកម្ដៅសាច់ដុំ ឥឡូវបន្តទៅកាន់កម្មវិធីសំខាន់”។ ពាក្យកម្មវិធីសំខាន់នេះ គឺ Huawei ចង់សំដៅទៅដល់ការប្រកាសចេញស្មាតហ្វូន Huawei P30 និង P30 Pro ដែលនឹងចេញនៅយប់ថ្ងៃទី ២៦ ខែមីនានេះតែម្ដង។

ដំណឹងដែលគេដឹងច្បាស់ការណ៍អំពី P30 និង P30 Pro គឺមានបំពាក់កាមេរ៉ាខាងក្រោយចំនួន ៣ គ្រាប់ ដែលបង្គំកាមេរ៉ាថ្មីនេះមានសមត្ថភាពអាច Zoom បាន ១០ ដង និងមានមុខងារដែលអាចថតវីដេអូពីរប្លង់ក្នុងពេលតែមួយ ហើយថតវីដេអូនៅទីងងឹតបានច្បាស់ល្អជាងមុនទៀតផង៕