• 2019-03-25 02:07:51
  • ព័ត៌មាន

ឲ្យ​អស់​ចម្ងល់ នេះ​តេស្ត​ល្បឿន Galaxy S10 ​ប្រើ​ឈីប Exynos 9820 និង Snapdragon 855

  • 2019-03-25 02:07:51
  • ចំនួនមតិ 0 | ចំនួនចែករំលែក 6

ចន្លោះមិនឃើញ

លើ​ស្មាតហ្វូន Galaxy S10 មាន​ការ​បំពាក់​នូវ​ឈីប​ ២ ប្រភេទ​ខុស​ពី​គ្នា ដោយ​មួយ​ប្រើប្រាស់​ឈីប Qualcomm Snapdragon 855 សម្រាប់​ចែកចាយ​ក្នុង​ទីផ្សារ​ប្រទេស​ចិន​និង​សហរដ្ឋអាមេរិក ខណៈ Exynos 9820 ​សម្រាប់​ទីផ្សារ​សកល។ មតិ​ជា​ច្រើន​នៅ​មាន​ការ​ងឿងឆ្ងល់​ដោយ​ចង់​ដឹង តើ​រវាង​ឈីប​ទាំង​ពីរ​មួយ​ណា​អាច​ដំណើរការ​លឿន​ជាង?

ជា​លទ្ធផល​ការ​តេស្ត​លើ​កម្មវិធី AnTuTu ឃើញ​ថា​ S10 ​ប្រើ​ឈីប SD855 ជា​រួម​មាន​ពិន្ទុ​ខ្ពស់​ជាង​ធុន Exynos 9820 ប៉ុន្តែ​លើ​កម្មវិធី Geekbench សម្រា់ប​ល្បឿន Multi-Core គឺ​យក​ឈ្នះ តែ​ល្បឿន Single-Core ឈីប Exynos 9820 ធ្វើ​បាន​ល្អ​ជាង។

ចំណែក​ឯ​តេស្ត​មើល​ដំណើរការ​ល្បឿន​ក្រាហ្វិក​និង​ការ​លេង​ហ្គេម លើ GFXBench ទាំង​សម្រាប់ Manhattan 3.1 និង Car Chase ជា​លទ្ធផល​ភ្ញាក់ផ្អើល​ដែល S10 ប្រើ​ឈីប Exynos 9820 អាច​ទទួល​បាន​ពិន្ទុ​ខ្ពស់​ជាង​ឈីប SD855។

មួយ​ចំណុច​ផ្សេង​ទៀត​តេស្ត​ប្រើ​កម្មវិធី Jetstream ឆែក​មើល​ល្បឿន​បើក​ Browser ដូច​ជា Google Chrome ឬ Browser របស់ Samsung ដោយ​ផ្ទាល់ ជា​លទ្ធផល​ម៉ូឌែល​ប្រើ​ឈីប SD855 ធ្វើ​បាន​ល្អ​ជាង។

ចុង​ក្រោយ​សម្រាប់​ថាមពល​ថ្ម​ក៏​មិន​ខុស​ពី​ប៉ុន្មាន​ចំណុច​ខាង​លើ ដោយ​ S10 ​ប្រើ​ឈីប SD855 អាច​កាន់​ថ្ម​បាន​យូរ​ដល់​ទៅ ៧ ម៉ោង និង ៣០ នាទី ខណៈ​ធុន Exynos 9820 ទ្រទ្រង់​ឧបករណ៍​បាន​ត្រឹម ៦ ម៉ោង និង ៤៥ នាទី​តែ​ប៉ុណ្ណោះ៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

ប្រភព៖ techmoblog ប្រែ​សម្រួល៖ កៅ រក្សា

មតិយោបល់