Nokia សារភាពថាទូរសព្ទខ្លួនផ្ញើទិន្នន័យរសើបទៅប្រទេសចិន

2019-03-25 02:29:39
ព័ត៌មាន

2019-03-25 02:29:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកតាមការចេញផ្សាយរបស់សារព័ត៌មានន័រវែស NRK បានឲ្យដឹងថាស្មាតហ្វូន Nokia 7 Plus របស់ក្រុមហ៊ុន HMD Global បានផ្ញើទិន្នន័យផ្ទាល់ខ្លួនរបស់អ្នកប្រើប្រាស់ទៅកាន់ Server ក្នុងប្រទេសចិន។

ទិន្នន័យផ្ញើចេញពី Nokia 7 Plus រួមមានលេខ IMEI, ទីតាំង និងលេខទូរសព្ទ ដែលអាចប្រើប្រាស់ដើម្បីចាប់ទីតាំងអ្នកប្រើប្រាស់បាន។ NRK បានអះអាងថាទិន្នន័យទាំងនេះបានផ្ញើចេញពី Nokia 7 Plus ជាច្រើនខែមកហើយ។ ខាងក្រុមហ៊ុន HMD Global ឯណោះវិញក៏បានទទួលស្គាល់ថាទិន្នន័យរបស់អ្នកប្រើប្រាស់ពិតជាត្រូវបានផ្ញើទៅកាន់ Server ក្នុងប្រទេសចិនមែន ប៉ុន្តែក្រុមហ៊ុនមិនបានចែករំលែកទាំងនេះទៅកាន់បុគ្គលទីបីនោះឡើយ។

ក្រុមហ៊ុន HMD បានចាត់ទុកទិន្នន័យទាំងនេះថា "Data Activation Information” ហើយទិន្នន័យទាំងនេះមិនមានផ្ទុកអត្តសញ្ញាណរបស់អ្នកប្រើប្រាស់ឡើយ។ ក្រុមហ៊ុនឲ្យដឹងទៀតថា បញ្ហានេះកើតឡើងដោយសារកំហុសបច្ចេកទេសលើកម្មវិធីផ្ទេរទិន្នន័យរបស់ខ្លួន។

ដើម្បីដោះស្រាយបញ្ហានេះ HMD បានបញ្ចេញការអាប់ដេតកាលពីខែកុម្ភៈ ឆ្នាំ ២០១៩ សម្រាប់ម៉ូដែល Nokia 7 Plus។ គួរដឹងថា HMD កំពុងស្ថិតក្រោមការស៊ើបអង្កេតរបស់រដ្ឋាភិបាលហ្វាំងឡង់លើករណីនេះ ហើយក្រុមហ៊ុន HMD ក៏ត្រៀមខ្លួនរួចរាល់នឹងសហការក្នុងការស៊ើបអង្កេតនេះផងដែរ៕

ចុចអាន៖

ប្រភព៖ Zing ប្រែសម្រួល៖ សុខហេង