Z-900 ស៊េរី ០១៧ រចនាយកលំនាំតាមអក្សរ Z ប្លែកភ្នែក តម្លៃខ្ទង់ម៉ឺនដុល្លារ

2017-08-22 04:29:01
ព័ត៌មាន

2017-08-22 04:29:01
ចំនួនមតិ 0 | ចំនួនចែករំលែក 0

ចន្លោះមិនឃើញ

Kawasaki Z-900 ស៊េរីឆ្នាំ ២០១៧ ទើបចេញក្ដៅៗកាលពីចុងសប្ដាហ៌មុនបានមកដល់ទីផ្សារក្នុងស្រុក។ រូបរាងរបស់ Z-900 គឺការរចនាយកលំនាំតាមអក្សរ Z ប្លែកភ្នែក ជាពិសេសមានអក្សរ Z ស្ទើរគ្រប់កន្លែងទាំងស្ដុបមុខ-ក្រោយ។

តាមប្រភពភ្នាក់ងារលក់របស់ក្រុមហ៊ុន Kawasaki ក្នុងប្រទេសកម្ពុជាបានឲ្យដឹងថា Z-900 មានពីរម៉ូឌែលខុសគ្នា ក្នុងនោះមាន Z-900 (ធម្មតា)តម្លៃប្រមាណជា ១៤ ៧០០ ដុល្លារ និង Z-900(SE) តម្លៃប្រមាណជា ១៥ ៨០០ ដុល្លារសម្រាប់តម្លៃទីផ្សារក្នុងស្រុក៕

លក្ខណៈសម្បត្តិខ្លះៗរបស់ Z-900(ធម្មតា)

បំពាក់ម៉ាស៊ីនបញ្ចុះកម្ដៅដោយទឹកមានទំហំ ៩៤៨ សេសេ
អាចបង្កើតកម្លាំងបាន ១២៥ សេះ និងមានចង្កឹះលេខ ៦ វគ្គ
ប្រព័ន្ធហ្វ្រាំងទាំងហ្រ្វាំងមុខ និង ហ្វ្រាំងក្រោយជាប្រភេទហ្វ្រាំងដុំ ដែលមានភ្ជាប់ជាមួយហ្វ្រាំង ABS។
ទម្ងន់ត្រឹម ២១០ គីឡូក្រាមប៉ុណ្ណោះស្រាលជាង Z800 ដែលជាស៊េរីមុន ២០ គីឡូក្រាម។
ធុងផ្ទុកប្រេងឥន្ធនៈមានទំហំ ១៧ លីត្រ ដោយចាក់មួយពេញអាចជិះបានចម្ងាយប្រមាណ ២៤០ គ.ម
ប្រវែងសរុបមាន ២០៧ ស.ម ទទឹងសរុប ៨២,៥ ស.ម កម្ពស់សរុប ១០៦,៥ ស.ម កម្ពស់កែប ៧៩,៥ ស.ម និង កម្ពស់ពីដីមាន ១៣ ស.ម។
កុងទ័រថ្មីប្រភេទកូនកាត់ឌីជីថលលាយនឹង Analog អាចបង្ហាញទិន្នន័យជាច្រើនដូចជាល្បឿន, ចង្កឹះលេខ, កម្រិតប្រេងឥន្ធនៈ និង ចម្ងាយសរុប។
ពណ៌៖ បៃតងចាស់លាយខ្មៅ។