អ្នកថតរូបល្បី Jerry Thai បង្ហាញគន្លឹះរកជយលាភីនៅ Canon PhotoMarathon 2015

2015-09-17 17:36:06
ព័ត៌មាន

2015-09-17 17:36:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍ប្រកួតថតរូប Canon PhotoMarathon 2015 កាន់តែកៀកនៅសល់រយៈពេលតែជាងពីរសប្ដាហ៍ទៀតប៉ុណ្ណោះ ខណៈដែលប្រិយមិត្តជាច្រើនក៏កំពុងត្រៀមខ្លួនបង្ហាញវត្តមានចូលរួមកម្មវិធីប្រកួតថតរូបដ៏ធំនេះដែរ។ ព្រឹត្តិការណ៍ប្រកួតថតរូបធំបំផុតនៅប្រទេសកម្ពុជានេះ មានការរំពឹងទុកថានឹងមានអ្នកចូលរួមជាង ១ ០០០ នាក់ទាំងអ្នកអាជីពនិងមិនអាជីពក៏ដូចជាសិស្សានុសិស្សមកពីសាលានានា ដែលពួកគេនឹងមកជួបជុំគ្នាពេញមួយថ្ងៃក្នុងការបង្ហាញសមត្ថភាព ស្នាដៃនិងការច្នៃប្រឌិតលើការថតរូបប្រកួតប្រជែង ដើម្បីមានឱកាសក្លាយជាជយលាភីប្រចាំកម្មវិធី។

លោក Jerry Thai ជាអ្នកថតរូបដ៏ល្បីមួយរូបនិងក៏ជាគណៈកម្មការកម្មវិធី Canon PhotoMarathon 2015 បានបង្ហាញការចាប់អារម្មណ៍ក៏ដូចជាចែករំលែកបទពិសោធន៍ពីតិកនិកលើការថតរូបមួយចំនួន ដើម្បីប្រិយមិត្តស្វែងយល់និងអាចត្រៀមខ្លួនបានល្អសម្រាប់ចូលរួមកម្មវិធីប្រកួតប្រជែងនេះ។

Canon PhotoMarathon Cambodia 2015 រៀបចំដោយក្រុមហ៊ុនអាយគ្លីក (i-Qlick) និងគាំទ្រយ៉ាងពេញទំហឹងដោយ Canon។ ការប្រកួតថតរូបនេះមានការបែងចែកជាពីរលក្ខខ័ណ្ឌគឺប្រភេទបើកទូលាយ (Open Category) និងប្រភេទសិស្សានុសិស្សក្រោមអាយុ ១៨ ឆ្នាំ (Student Category) ដើម្បីលើកទឹកចិត្តដល់យុវជនវ័យក្មេងចូលរួមឲ្យបានច្រើន។

ស្រដៀងគ្នាទៅនឹងឆ្នាំមុនដែរ អ្នកចូលរួមប្រកួតនឹងត្រូវបានផ្តល់ប្រធានបទរូបថតចំនួន៣ នៅថ្ងៃប្រកួតប្រជែងនេះជាមួយនឹងរយៈពេល ៣ម៉ោងក្នុងប្រធានបទនីមួយៗ។ អ្នកចូលរួមត្រូវប្រើគំនិតច្នៃប្រឌិតរបស់ពួកគេ ដើម្បីផ្តិតយករូបភាពដ៏ល្អឥតខ្ចោះសម្រាប់ប្រធានបទនីមួយៗ។ គណៈកម្មការវាយតម្លៃរូបថតដែលមានជំនាញផ្សេងៗគ្នានៅក្នុងវិស័យថត រូបនឹងផ្តល់ពិន្ទុ ហើយជ្រើសរើសរូបថតជយលាភីចំនួន១៨សន្លឹកពីកម្មវិធីនេះ។

ចំពោះរង្វាន់អ្នកឈ្នះទាំង ១៨ រូប ពីការប្រកួតទាំងពីរលក្ខខ័ណ្ឌ នឹងឈ្នះរង្វាន់ម៉ាស៊ីនថតរូបបែបអាជីព និងដំណើរកម្សាន្តថតរូប Photo Clinic នៅសៀមរាប។ ជយលាភីលេខ ១ក្នុងការប្រកួតលក្ខខ័ណ្ឌទូទៅ (Open Category) នឹងទទួលបានម៉ាស៊ីនថតបែបអាជីព EOS 6D និងអាចត្រូវបានជ្រើសរើសតំណាងប្រទេសកម្ពុជា ធ្វើដំណើរទៅកាន់ប្រទេសជប៉ុនក្នុងកម្មវិធី Canon Photo Clinic ជាមួយបេក្ខជនតំណាងប្រទេសផ្សេងទៀត ដែលគិតជាទឹកប្រាក់ប្រមាណ ៥០០០ដុល្លារ។

Canon PhotoMarathon Cambodia 2015 រៀបចំដោយក្រុមហ៊ុន អាយគ្លីក (i-Qlick) និងគាំទ្រយ៉ាងពេញទំហឹងដោយ Canon។ កម្មវិធីនេះក៏ទទួលបានការឧបត្ថម្ភពីដៃគូធំដូចជា ហាង The Coffee Bean and Tea Leaf, ម៉ូតូ Vespa, និង Central Mall និងដៃគូសហការឧបត្ថម្ភមានហាងនំប៉័ង Tous Les Jours។ សហការឧបត្ថម្ភបន្ទាប់មាន រោងភាពយន្ត Platinum Cineplex, ទឹកផ្លែឈើ Olatte, ទឹកបរិសុទ្ធ Euro Tech, ទូរសព្ទម៉ាក Acer និង Angkor Photo Festival & Workshop។ ដៃគូសហការសម្រាប់ព័ត៌មានរួមមាន កាសែតកម្ពុជាចុងសប្ដាហ៍ និង ក្រុមហ៊ុន សប្បាយ (SABAY)។

Canon PhotoMarathon 2015 នឹងចាប់ផ្តើមឡើងនៅថ្ងៃ ០៤ ខែតុលា ឆ្នាំ ២០១៥ នៅមជ្ឍមណ្ឌលកោះពេជ្រអាគារ K និង L។ ប្រិយមិត្តអាចចុះឈ្មោះតាមគេហទំព័រភ្ជាប់៖ www.facebook.com/iQlickCambodia ឬ ទំនាក់ទំនងតាមលេខទូរសព្ទ៖ ០៩៦ ៨៧១ ៦៣៥៥៕

ក្រុមហ៊ុន i-Qlick Marketing Co., Ltd

i-Qlick Marketing Co., Ltd. ជាភ្នាក់ងារចែកចាយស្របច្បាប់នូវផលិតផលប្រើប្រាស់ម៉ាក Canon ប្រចាំ ព្រះរាជាណាចក្រកម្ពុជា រួមមាន ម៉ាស៊ីនថតឌីជីថល ម៉ាស៊ីនថតឌីជីថលប្តូរកែវឡេនបាន សម្ភារៈកាមេរ៉ា ម៉ាស៊ីនថតបែបវីដេអូឌីជីថល និងឧបករណ៍បន្ថែមបន្ទាប់បន្សំ ព្រឺនធឺឡាស៊ែរប្រភេទ ស ខ្មៅ, ពណ៌, ព្រីនធឺ Inkjet, ស្កេនឺ, Projector (ម៉ាស៊ីនបញ្ចាំងរូប), ទឹកថ្នាំសុទ្ធ និង ក្រដាសផ្តិតរូប និង ម៉ាស៊ីនគិតលេខម៉ាក Canon ។ គ្រប់ផលិតផល ពីក្រុមហ៊ុន i-Qlick មានការធានាជូនរយៈពេល 12+3 ខែ លើកលែង សំភារៈទូទៅប្រើប្រចាំថ្ងៃ។ i-Qlick ក៏ជាមជ្ឈមណ្ឌលសេវាកម្មមានអជ្ញាបណ្ណ ពីក្រុមហ៊ុន Canon ដែលបម្រើសេវាកម្មតំហែទាំ និង ជួសជុលគ្រប់ផលិតផល Canon។ ក្រុមហ៊ុន i-Qlick មានអាស័យដ្ឋាននៅអគារ លេខ 146 មហាវិថី ព្រះសីហនុ ភ្នំពេញ។ យើងខ្ញុំរង់ចាំស្វាគមន៍ បម្រើលោកអ្នកជាមួយបុគ្គលិកជំនាញប្រកបដោយភាពរស់រាយរាក់ទាក់ ជានិច្ច។

អត្ថបទ៖ ប៊ុណ្ណារ៉ា