- 2015-07-23 17:30:29
- ព័ត៌មាន
ក្រដាសប្រាក់ ៥០០ រៀលរំលេចរថយន្ត Porsche មិននឹកស្មានដល់
- 2015-07-23 17:30:29
- ចំនួនមតិ 0 | ចំនួនចែករំលែក 0
ក្រដាសប្រាក់ ៥០០ រៀលរំលេចរថយន្ត Porsche មិននឹកស្មានដល់
ចន្លោះមិនឃើញ
ក្នុងថ្ងៃសម្ពោធរថយន្ត Porsche Cayman ថ្មីៗនេះ នាយកប្រតិបត្តិក្រុមហ៊ុន Porsche ប្រចាំប្រទេសកម្ពុជាបានលើកយកក្រដាសប្រាក់ ៥០០ រៀលបង្ហាញមហាជននិងបាននិយាយថា"កម្ពុជាមានទំនាក់ទំនងយូរណាស់មកហើយ"។
លោក Michael Vetter នាយកប្រតិបត្តិ Porsche ប្រចាំកម្ពុជាបានឲ្យដឹងថា ពីមុនប្រជាជនកម្ពុជាភាគច្រើនមិនបានស្គាល់រថយន្តម៉ាក Porsche ទេ តែរថយន្ត Porsche បានមានវត្តមានលើក្រដាសប្រាក់ខ្មែរយូរណាស់មកហើយ។
"ក្រដាស ៥០០ រៀលបោះពុម្ភឆ្នាំ ២០០៣ មានផ្នែកម្ខាងមានរូបអង្គរវត្ត និងម្ខាងទៀតមានរូបស្ពាននាគដោយមានរថយន្ត Porsche ២ គ្រឿងនៅលើស្ពាននោះផងដែរ"។
លោកបន្តថា លោកតែងតែទៅណាមកណានិយាយលេងថានៅកម្ពុជាវត្តមានរថយន្ត Porsche មានរាប់លានគ្រឿងទៅហើយ។
តើប្រិយមិត្តធ្លាប់សង្កេតមើលថារថយន្តពិតជាមានលើក្រដាសប្រាក់ ៥ រយរៀលទេ?
អត្ថបទ៖ ដារ៉ាឆានី
