អ្នកជិះម៉ូតូធំរាប់រយនាក់ចូលទស្សនាប្រដាល់ចម្រុះ One FC នៅកោះពេជ្រ

2014-09-15 21:05:10
ព័ត៌មាន

2014-09-15 21:05:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈមានព្រឹត្តិការណ៍ប្រកួតប្រដាល់ចម្រុះ One FC កាលពីចុងសប្ដាហ៍មុននេះនៅទីក្រុងកោះពេជ្រ ក្រុមអ្នកបើកបរម៉ូតូធំឥណ្ឌា Pulsar រាប់រយនាក់ បានធ្វើឲ្យគេចាប់អារម្មណ៍ជាខ្លាំង ដោយសារបានធ្វើដំណើរមកចូលរួមទស្សនាការប្រកួតនេះយ៉ាងកកកុញ។

អ្នកជិះម៉ូតូធំមួយរូបដែលបានធ្វើដំណើរជាមួយអ្នកបើកបរម៉ូតូរាប់រយផ្សេងទៀតបានឲ្យដឹងថា នេះជាព្រឹត្តិការណ៍ដែលរៀបចំឡើងដោយក្រុមហ៊ុន Pulsar។ លោកថា ការចូលរួមដោយមានអ្នកបើកបរម៉ូតូធំរាប់រយនាក់នេះ ក្រុមហ៊ុនចង់បង្កើតទស្សនីយភាពដ៏ប្លែក ជាពិសេសធ្វើឲ្យព្រឹត្តិការណ៍ One FC ដ៏ល្បី និងដែលរៀបចំឡើងដំបូងនៅប្រទេសកម្ពុជា កាន់តែមានភាពអស្ចារ្យនិងគួរឲ្យចាប់អារម្មណ៍ថែមទៀត។

អ្នកជិះម៉ូតូធំ Pulsar ប្រមាណបួនរយនាក់ បានប្រមូលផ្ដុំគ្នានៅក្នុងទីក្រុងភ្នំពេញកាលពីថ្ងៃសុក្រកន្លងទៅនេះ ដើម្បីចូលរួមទស្សនាព្រឹត្តិការណ៍ប្រកួត One FC – Rise of the Kingdom ដែលរៀបចំជាលើកដំបូងសម្រាប់ប្រទេសកម្ពុជា។

បើតាមអ្នកគ្រប់គ្រងរបស់ក្រុមហ៊ុន Vipar Auto បាននិយាយថា៖ “ក្រុមហ៊ុនធ្វើដូច្នេះ ដើម្បីធ្វើឲ្យព្រឹត្តិការណ៍ការប្រកួតកីឡាប្រដាល់ចម្រុះ One FC – Rise of the Kingdom ដែលរៀបចំជាលើកដំបូងនៅកម្ពុជា កាន់តែមានភាពអស្ចារ្យនិងរំជើបរំជួលថែមទៀត។

លោកថា ក្នុងឱកាសប្រកួតនោះ ក្រុមហ៊ុនបានចែកសំបុត្រដោយឥតគិតថ្លៃដល់អតិថិជនរបស់ខ្លួន ដែលជាផ្នែកមួយនៃយុទ្ធនាការបង្ហាញពីការគាំទ្រដល់អតិថិជនដែលគាំទ្រម៉ូតូ Pulsar ដើម្បីបានចូលទស្សនាការប្រកួតប្រដាល់អន្តរជាតិដ៏ល្បីនោះ។