Nokia 130 ស៊ីមពីរសម្រាប់មនុស្សរាប់លាននាក់អមនឹង ស្មាតហ្វូន តម្លៃត្រឹម $ 26.5 នៅកម្ពុជា

2014-12-30 21:48:33
ព័ត៌មាន

2014-12-30 21:48:33
ចំនួនមតិ 0 | ចំនួនចែករំលែក 0

ចន្លោះមិនឃើញ

Nokia 130 ដែលជាសមាជិកថ្មីមួយទៀតនៃទូរសព្ទបែបមូលដ្ឋានរបស់ Microsoft Devices Group បានត្រូវដាក់លក់នៅក្នុងប្រទេសកម្ពុជាហើយ។ Nokia 130សក្ដិសមបំផុតសម្រាប់អតិថិជន ដែលចាប់ផ្តើមប្រើប្រាស់ទូរសព្ទបែបមូលដ្ឋានលើកដំបូង ឬអតិថិជនដែលត្រូវការទូរសព្ទបម្រុង ដើម្បីប្រើអមនឹងស្មាតហ្វូនរបស់ខ្លួន។ ទូរសព្ទខាងលើនេះអាចបើកមើលវីដេអូ ចាក់បទចម្រៀងបានជាប់រហូតដល់ 46 ម៉ោង មានភ្លើងពិល វិទ្យុអេហ្វអឹម ហើយថែមទាំងមានប្រដាប់សាកថ្ម USB ទៀតផង ដោយផ្តល់ជូនក្នុងតម្លៃលក់រាយប្រមាណ $ 26.5 ប៉ុណ្ណោះ។

Nokia 130 មានអេក្រង់ពណ៌ធម្មជាតិ ទំហំ 1.8 អ៊ីង មានគុណភាពល្អ ប្រើជាប់បានយូរ ថ្មកាន់ភ្លើងបានយូររហូតដល់ទៅ 26 ថ្ងៃ។ ដោយមានលទ្ធភាពផ្ទុកបទចម្រៀងបានរហូតដល់ទៅ 6,000 បទតាមរយៈ 32GB SD Card ធ្វើឲ្យអតិថិជនទទួលនូវភាពរីករាយបានកាន់តែយូរ។ លើសពីនេះទៅទៀត Nokia 130 មានកម្មវិធី Slam និង អាចតភ្ជាប់ទៅនឹងឧបករណ៍អេឡិចត្រូនិកដទៃបានតាមរយៈ ខ្សែ USBដូច្នេះការផ្ទេរបទចម្រៀង រូបថត វីដេអូ ជាដើម ពិតជាមានភាពងាយស្រួល។

លោក Rahul Karve អគ្គនាយកនៃប្រតិបត្តិការរបស់ក្រុមហ៊ុន Microsoft Devices នៅក្នុងប្រទេសកម្ពុជា បានលើកឡើងថា “ ជាមួយនឹងការរចនាដ៏ល្អវិចិត្រ ការបញ្ចូលនូវកម្មវិធីកម្សាន្ត និងតម្លៃដ៏ល្អប្រសើរផងនោះ, Nokia 130នឹងផ្តល់ជូនអតិថិជនរាប់លាននាក់នូវបទពិសោធន៍ថ្មីនៃការប្រើប្រាស់ទូរសព្ទដៃ។ ក្នុងនាមជាទូរសព្ទដែលអាចចាក់វីដេអូ និងបទចម្រៀងបាន ហើយមានតម្លៃទាបផងនោះ, Nokia 130គឺជាទូរសព្ទបែបមូលដ្ឋានដំបូងបង្អស់ ឬជាទូរសព្ទបម្រុងដែលល្អជាទីបំផុត“។ ដោយមានដាក់លក់ពីថ្ងៃនេះតទៅ, Nokia 130 បីពណ៌សម្រាប់ជ្រើសរើសគឺ ក្រហម ខ្មៅ និងស។

ចុចអាន ថ្ងៃនេះ NOKIA នឹងបង្ហាញអាវុធសម្ងាត់ដំបូងរបស់ខ្លួនឲ្យពិភពលោកភ្ញាក់ផ្អើល អត្ថបទ៖ ពាណិជ្ជកម្ម