គួរឲ្យសរសើរ! និស្សិតខ្មែរមួយក្រុមបង្កើត “រាជសារ” ជាកម្មវិធីបណ្តាញសង្គមឲ្យអ្នកចែករំលែក និងទទួលបាននូវមាតិការអប់រំល្អៗទទួលស្គាល់ដោយក្រសួង

2022-06-17 09:17:35
ព័ត៌មាន

2022-06-17 09:17:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី “រាជសារ” ឬ “Reachsa” គឺជាកម្មវិធីបណ្តាញសង្គមថ្មីមួយទៀតសម្រាប់សិស្ស និស្សិត នៅកម្ពុជា ដែលអនុញ្ញាតឲ្យពួកគេអាចទំនាក់ទំនងគ្នា និងចែករំលែកចំណេះដឹង រួមទាំងការទទួលយក នូវមាតិការល្អៗ ជាពិសេសនៅលើកម្មវិធីមួយនេះ អ្នកនឹងមិនត្រូវបានរំខានដោយការផ្សព្វផ្សាយច្រើនពេកនោះទេ។

កញ្ញា ឈួ គឹមហុង | រូបថត៖ Sabay

កញ្ញា ឈួ គឹមហុង ជាសហស្ថាបនិកកម្មវិធីបានប្រាប់ Sabay ឲ្យដឹងពីគោលបំណងនៃការបង្កើត Platform នេះឡើងក្រោមហេតុផលចម្បងពីរធំៗគឺ ចង់ជំរុញដល់ការសិក្សានិងការអភិវឌ្ឃខ្លួនរបស់សិស្សនិស្សិត និងចង់បង្កើតនូវរបៀបថ្មីនៃការចំលែកចំណេះដឹងឲ្យគ្នាទៅវិញទៅមកនៅក្នុងសង្គមខ្មែរយើង។

ស្ដង់ Reachsa នៅក្នុងកម្មវិធី “CODE-C” | រូបថត៖ Sabay

កញ្ញា បានបន្ថែមទៀតថា៖ "នៅក្នុងកម្មវិធីក៏មានជម្រើសសម្រាប់អ្នកប្រើប្រាស់រូបណាដែលមាន (Content) ឬ មាតិការអប់រំៗល្អៗជាភាសាខ្មែរ ឬភាសាបរទេស ក៏អាចបំពេញបែបបទរួចបង្ហោះចូលទៅក្នុងកម្មវិធីបានផងដែរ។ លើសពីនេះទៀត វាគ្មិនជាជនជាតិខ្មែរដែលមានវត្តមាននៅកម្មវិធីសុទ្ធសឹងតែមនុស្សមានសមត្ថភាពនិងមានបទពិសោធន៍ច្រើនឆ្នាំ លើប្រធានបទនិមួយៗដើម្បីមករៀបរាប់ពីរបៀបនិងគន្លឹះក្នុងការសិក្សា ក៏ដូចជា ដំណោះស្រាយលើបញ្ហាប្រឈមនានានានៅក្នុងជីវិតជានិស្សិត។ អត្ថប្រយោជន៍របស់អ្នកប្រើប្រាស់មួយទៀតគឺ ពួកគេអាចមានជម្រើសក្នុងការតាមដាននិងស្ដាប់មនុស្សដែលពួកគេពេញចិត្តនៅក្នុង Platform តែមួយ ដោយគ្មានអ្វីរំខានចិត្តឡើយ។"

កម្មវិធីនេះទទួលបានការគាំទ្រ ដោយសាកលវិទ្យាល័យភូមិន្ទភ្នំពេញ ទីភ្នាក់ងារសហប្រតិបត្តិការអន្តរជាតិកូរ៉េ (កយកា-KOICA) ប្រចាំនៅកម្ពុជា និងក្រសួងអប់រំ យុវជន និងកីឡា ថែមទៀតផង។ ស្ថាបនិកកម្មវិធីនេះមានបីរូបគឺ កញ្ញាឈួ គឹមហុង កញ្ញា លឹម ស៊ូបួយ និងលោក អ៉ីម ម៉េងជី បច្ចុប្បន្នជានិស្សិតឆ្នាំទីបួន ជំនាញគ្រប់គ្រងពាណិជ្ជកម្មអន្ដរជាតិ មកពីសាកលវិទ្យាល័យភូមិន្ទភ្នំពេញ។

ក្រុមពួកគេ ជាជយលាភីលេខបី ទទួលបានការគាំទ្របណ្ដុះបណ្ដាលពី មជ្ឈមណ្ឌលបណ្ដុះធុរកិច្ចថ្មីនៃកម្ពុជា ឬ National Incubation Center of Cambodia (NICC) នៃជំនាន់ទីមួយ ខណៈដែល មជ្ឈមណ្ឌលបណ្ដុះធុរកិច្ចថ្មីគឺជាកិច្ចសហការរវាងសាកលវិទ្យាល័យភូមិន្ទភ្នំពេញ ដែលទទួលបានការគាំទ្រដោយក្រសួងអប់រំ យុវជននិងកីឡា។

បើអ្នកពេញចិត្តសូមស្វែងរក នៅលើ Telegram និង YouTube សម្រាប់កម្មវិធីទូរសព្ទ "រាជសារ" ដែលនឹងដាក់ឲ្យប្រើប្រាស់ក្នុងពេលឆាប់ៗខាងមុខនេះដែលមានទាំងលើ App Store និង Play Store៕

អត្ថបទ៖ រក្សា