Telegram កំពុងក្លាយជាកម្មវិធីទូរសព្ទដ៏ពេញនិយមជាងគេ ដែលពលរដ្ឋរុស្ស៊ីប្រើប្រាស់ក្នុងការតាមដានព័ត៌មានជាអត្ថបទនិងវីដេអូនានា។ លើសពីនេះ វាក៏កំពុងជាគោលដៅរបស់ក្រុមហេគឃ័រ។

លោក Pavel Durov ស្ថាបនិក Start-up ជនជាតិរុស្ស៊ីលើកឡើងថា៖ “Telegram នឹងដើរតួនាទីថ្មីមួយទៀតក្នុងការបន្ថែមប្រព័ន្ធសុវតិ្ថភាពការពារជូនអ្នកប្រើប្រាស់ទាំងអស់ រួមទាំងពលរដ្ឋរុស្ស៊ីស្ថិតក្នុងបរិបទកំពុងក្តៅគគុកលើការវាយប្រហារតាមអ៊ឺនធើណិតរវាងអ៊ុយក្រែននិងរុស្ស៊ី។ ទោះបីឥឡូវនេះនៅមិនទាន់មានករណីលេចចន្លោះប្រហោងណាមួយកើតឡើងក៏ដោយ”។

Telegram បង្កើតឡើងឆ្នាំ ២០១៣ ហើយលោកត្រូវបានគេដឹងជា មនុស្ស​ម្នាក់ដែលគាំទ្ររដ្ឋាភិបាលលោកពូទីន។ បើគិតលើស្ថិតិប្រជាជនរុស្ស៊ីចំនួន ១៤៤ លាននាក់ក្នុងនោះគេរកឃើញមាន ៦១% ដំឡើង Telegram ក្នុងទូរសព្ទ ឯ ចំណែកទីផ្សារ Social media ធំជាងគេលើនៅរុស្ស៊ីគឺ តេឡេក្រាម។ ក្រៅពីដំណឹងអាប់ឌែតថ្មីក្នុងសង្គ្រាមរុស្ស៊ី-អ៊ុយក្រែនឃើញថាពលរដ្ឋរុស្ស៊ី ចែកចាយដំណឹងនានាដូចជា៖ ស្ថានភាពសេដ្ឋកិច្ច(តម្លៃប្រេង,រូបិយប័ណ្ណ) និងស្ថានភាពធនាគារនានា ប៉ុន្មានថ្ងៃមកនេះ។

និយាយដោយឡែកសូម្បីតែ អ្នកសារព័ត៌មាន, អ្នកនយោបាយ, អ្នកតំណាងអង្គការអន្តរជាតិធំៗក៏កំពុង​ប្រើប្រាស់ Telegram ជាមធ្យោបាយលឿនរហ័សជាងគេដើម្បីតាមដានដំណឹង។ ដូចនេះសូមអ្នកប្រើប្រាស់ប្រុងប្រយ័ត្ន​ បើអាចសូមចូលទៅកំណត់ Two-Factor និងដាក់លេខសម្ងាត់ឲ្យខ្លាំង ដើម្បីធានាសុវត្ថិភាពជៀសវាងខាតបង់បើកើតមានការវាយប្រហារពិតមែននោះ៕

ប្រែសម្រួលដោយ៖ ​រក្សា | ប្រភព៖ H S today