- 2022-02-10 08:05:24
- ផលិតផលថ្មី
ភ្ញាក់ផ្អើល! Nissan ត្រៀមចេញ Frontier ថ្មីម្តង ៣ម៉ូដែល ក្រឡុកពួកភីកអាប់ក្នុងលោក
- 2022-02-10 08:05:24
- ចំនួនមតិ 0 | ចំនួនចែករំលែក 0
ភ្ញាក់ផ្អើល! Nissan ត្រៀមចេញ Frontier ថ្មីម្តង ៣ម៉ូដែល ក្រឡុកពួកភីកអាប់ក្នុងលោក
ចន្លោះមិនឃើញ
យើងដឹងហើយថា រថយន្ត Frontier របស់ Nissan បានចូលរួមចំណែកដល់ការលក់រថយន្តរបស់ក្រុមហ៊ុននេះយ៉ាងក្រាស់ក្រែល ហើយឥឡូវនេះទៀត Nissan ត្រៀមចេញ Frontier ដល់ ៣ម៉ូដែលឯណោះ ក្នុងពិព័រណ៌រថយន្ត Chicago Auto Show 2022 ដែលធ្វើឡើងនាចុងសប្តាហ៍នេះ។
រថយន្ត Frontier ទាំង៣នេះ គឺមានគោលដៅអតិថិជនផ្សេងៗគ្នា ដែលស្ថិតក្រោម Concept ដូចជា Project 72X Frontier, Project Hardbody និង Project Adventure។
Project 72X Frontier
រថយន្តនេះ គឺផ្អែកលើគំរូរថយន្តចាស់ដែលផលិតក្នុងឆ្នាំ១៩៧៩ ដែលជាម៉ូដែល Datsun 720 ហើយមានរូបរាងដូចនឹង Frontier S។ វានឹងមានតម្លៃធូរថ្លៃជាងគេ បើធៀបនឹង២ម៉ូដែលទៀត ហើយជារថយន្តដែលផ្តល់នូវការកម្សាន្តរីករាយ អំឡុងពេលធ្វើដំណើរនៅខាងក្រៅ។ វាមានពណ៌ប្រផេះ លាយឆ្នូតស ហើយយ៉ាន់កង់ក៏ពណ៌សដែរ មើលទៅស័ក្តិសមនឹងរូបរាងរបស់វា។
Project Hardbody
រថយន្តបន្ទាប់នេះ គឺផ្អែកទៅលើការឌីហ្សាញរបស់រថយន្ត Frontier SV ដែលជាការជំរុញពីរថយន្ត D21 Hardbody ផលិតក្នុងអំឡុងទសវត្សរ៍ទី៨០។ កង់ជាប្រភេទ Hardbody ដែលមានសំបកទំហំ ៣៣អ៊ីញ។ ចំណែកទ្រុងដឹក គឺដាក់កង់សាគួរ និងលើដំបូលមានកន្ទុយត្រីជាមួយអំពូល LED ទំហំ១០អ៊ីញ។
Project Adventure
រថយន្តនេះ នឹងចេញមកផ្អែកលើ Frontier PRO-4X ដែលមានសមត្ថភាព Off-road និងសម្រាប់ការធ្វើដំណើរផ្សងព្រេង ពិសេសមានដំបូលបាំងនៅលើទ្រុងដឹកទៀតផង ដែលធ្វើជាតង់លើរថយន្ត។ នៅកន្លែងទ្រុងដឹកនេះដែរ គឺមានបំពាក់ប្រព័ន្ធសំឡេងដែលអាចភ្ជាប់តាមរយៈ Bluetooth ទៀតផង។
ជារួម រថយន្ត Frontier ទាំង៣ម៉ូដែលនេះ នឹងចេញមកជាមួយនឹងតម្លៃ និងលក្ខណៈពិសេសផ្សេងៗគ្នា ដែល Nissan នឹងបង្ហាញលម្អិតក្នុងពិព័រណ៌រថយន្តខាងមុខ៕
