- 2022-02-04 04:32:06
- ផលិតផលថ្មី
Yamaha NMAX 155 ឆ្នាំ២០២២ ចេញហើយ តម្លៃអាចខ្ទង់ ២៥០០ដុល្លារ
- 2022-02-04 04:32:06
- ចំនួនមតិ 0 | ចំនួនចែករំលែក 0
Yamaha NMAX 155 ឆ្នាំ២០២២ ចេញហើយ តម្លៃអាចខ្ទង់ ២៥០០ដុល្លារ
ចន្លោះមិនឃើញ
ក្រុមហ៊ុន Yamaha បានប្រកាសចេញនូវម៉ូតូ NMAX 155 ឆ្នាំ ២០២២ ក្នុងប្រទេសឥណ្ឌូណេស៊ី ដែលវាចេញមកជាមួយពណ៌ថ្មីស្រស់ស្អាត បំពាក់បច្ចេកវិទ្យាទំនើប ត្រៀមចូលរួមប្រកួតជាមួយគូប្រជែងធំៗពិសេស PCX។
ម៉ូតូអូតូនេះ ប្រើម៉ាស៊ីនរបស់ Yamaha ផ្ទាល់តែម្តងគឺ ម៉ាស៊ីន Blue Core ចំណុះ ១៥៥សេសេ។ វាបំពាក់ចង្កៀងមុខ និងក្រោយ ជាប្រភេទ LED, បច្ចេកវិទ្យាប្រព័ន្ធពន្លត់ និងបញ្ឆេះស្វ័យប្រវត្តិ ប្រព័ន្ធជួយសន្សំសំចៃប្រេងសាំង ប្រព័ន្ធគ្រប់គ្រងលំនឹងម៉ូតូ និងប្រព័ន្ធហ្រ្វាំង ABS។
ជាមួយគ្នានេះ ម៉ូតូ NMAX 155 បំពាក់កុងទ័រឌីជីថល បង្ហាញព័ត៌មានដូចជា ល្បឿន ចម្ងាយ កម្រិតសាំងក្នុងធុង ជាពិសេសវាភ្ជាប់មកជាមួយនឹងប្រព័ន្ធ Y-Connect របស់ Yamaha តាមរយៈស្មាតហ្វូន។ ក្រៅពីនេះ វាមានរន្ធសាកថ្ម និងមានឃ្លុបក្រោមកែបធំដាក់ឥវ៉ាន់បានច្រើន។
ម៉ូតូ NMAX នេះ មានជម្រើសពណ៌ថ្មី គឺ ខៀវ បៃតង និងក្រហម ដោយវាអាចមានតម្លៃខ្ទង់ ២៥០០ដុល្លារ៕
