Tesla Model Y ជា​រថយន្ត​អគ្គិសនី​ដែល​ត្រូវ​បាន​ផលិត​ឡើង​ដំណើរ​ការ​ដោយ​ថាមពល​អគ្គិសនី​សុទ្ធ ជា​កញ្ចប់​អគ្គិសនី​ថ្មី​ដែល​ត្រូវ​បាន​ផ្គត់​ផ្គង់​ដោយ​ក្រុម​ហ៊ុន CATL ខណៈអាគុយនេះត្រូវបានឌីហ្សាញឡើងឲ្យមានចម្ងាយបើកបរតិចជាង ប៉ុន្តែថោកជាងអាគុយ lithium-nickel-cobalt-aluminum របស់ Tesla។

រថយន្ត SUV ខ្នាត​តូច​របស់​ក្រុម​ហ៊ុន Tesla នេះ​បាន​ប្រកាស​ចេញ​មក​ជា​មួយ​សន្ទុះ​នៃ​ការ​គាំទ្រ​ជា​ច្រើន​ពី​សំណាក់​អ្នក​ប្រើ​ប្រាស់ ហើយ​វា​ក៏​​កំពុង​មាន​វត្តមាន​នៅ​លើ​ទីផ្សារ​ប្រទេស​កម្ពុជា​តាម​រយ:​ឃ្លាំង​លក់​រថយន្ត​ធំ​មួយ​បាន​នាំ​ចូល។

រថយន្ត Tesla Model Y ​បាន​ក្លាយ​ជា​រថយន្ត​ដែល​អាចបើកបរបានចម្ងាយ ៥៤២គីឡូម៉ែត្រ អាច​បង្កើន​ល្បឿន​ពី ០ ដល់ ១០០km/h ប្រើ​ពេល​ត្រឹម​តែ ៥,០វិនាទី។ Tesla Model Y នេះ​ជា​ប្រភេទ (All Wheel Drive) ម៉ូទ័រឌុប ដែលគ្រប់គ្រងការអូសទាញ និងកំលាំងរមូលបានល្អ។

មកដល់​ទីផ្សារ​កម្ពុជា​ជា​មួយ​ការ​ទាក់​ទាញ​ចិត្ត​អ្នក​និយម​តាម​ដាន​ឡាន​ប្រភេទ​អគ្គិសនី​ចង់​ដឹង​ពី​តម្លៃ​ តាម​ប្រភព​ពី​ឃ្លាំង​លក់​រថយន្ត CSK Premium Auto បាន​​នឹង​កំពុង​ដាក់​លក់​មាន​តម្លៃ​ប្រមាណជា​ ៩៩ ៩៩៩ដុល្លារ និង​មាន​ជម្រើស​ពណ៌ ស និងពណ៌​ខ្មៅ។

គូសបញ្ជាក់​ដែរ​ថា​ថ្មីៗ​នេះ ក្រសួងសាធារណការ និងដឹកជញ្ជូន កំពុងសហការជាមួយ កម្មវិធីអភិវឌ្ឍន៍អង្គការសហប្រជាជាតិ (UNDP) ដើម្បីត្រៀមការងារដំឡើងស្ថានីយសាកថ្ម Ev ចំនួនប្រាំទីតាំងរួមមាន៖ ទីស្តីការក្រសួងសាធារណការ និងដឹកជញ្ជូន(ភ្នំពេញ) និងបណ្តារាជធានី-ខេត្តមួយចំនួនអាចជា ខេត្តបាត់ដំបង និងខេត្តសៀមរាប។

ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិតសូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375 ៕

រូបភាព៖ CKS Premium Auto