ក្រុមហ៊ុនបច្ចេកវិទ្យាយក្សហួវៃ ដាក់សម្ពោធ Huawei Digital Power ស្មាតហ្វូនជំនាន់ថ្មី Nova 8i ព្រីនធឺឆ្លាតវៃ HUAWEI PixLab X1 និង Huawei Flagship Store ព្រមគ្នាលើកដំបូង នៅផ្សារទំនើបអូឡាំព កាលពីថ្ងៃទី៤ ខែធ្នូ ឆ្នាំ ២០២១កន្លង​ទៅ។

លោក Edward នាយកប្រតិបត្តិ Huawei Digital Power ប្រចាំប្រទេសកម្ពុជា បានឲ្យដឹងថា៖ «ការបម្រែបម្រួលអាកាសធាតុគឺជាឧបសគ្កធំជាងគេដែលយើងទាំងគ្នាកំពុងជួបប្រទះ។ រដ្ឋាភិបាលកម្ពុជាបានផ្តាច់ជ្ញាចិត្តថា នឹងកាត់បន្ថយការបំភាយឧស្ម័ន កាបូនិចឲ្យបាន ៤២% នៅឆ្នាំ២០៣០។ អាស្រ័យហេតុនេះហើយពួកយើង បានខិតខំស្វែងរកបច្ចេកវិទ្យាដែលបំភាយឧស្មន័កាបូនិចតិចបំផុត។ គោលបំណងធំជាងគេ របស់យើង គឺ នាំផលិតផលដែលល្អ និងកាត់បន្ថយការបំភាយឧស្មន័កាបូនិច ដល់ស្ថាបន័ អង្គការ និងប្រជាជនទូទៅ។

ជាមួយនិងផលិតផលថ្មីរបស់ពួកយើង iSitePower Series នឹងជួយយើងទាំងអស់គ្នា ក្នុងការកាត់​បន្ថយការបំភាយឧស្មន័កាបូនិច។ ក្រុមហ៊ុន Huawei បានបម្រើប្រជាជនកម្ពុជាច្រើនជាង ២១នាក់ ហើយយើងរីករាយ ក្នុងការគាំទ្រដល់ប្រទេសកម្ពុជា ដើម្បីសម្រេចបាននូវគោលដៅ «សង្គមបរិស្ថានបៃតង អព្យាក្រឹតភាពកាបូន» តាមរយៈដំណោះស្រាយ Digital Power របស់យើងរួមមាន Smart solar (ថាមពលព្រះអាទិត្យឆ្លាតវៃ), Green Data Center (មជ្ឈមណ្ឌលទិន្នន័យបៃតង), Site power, Mobile Power និង embedded power​ (ថាមពលបង្កប់)»។

ទន្ទឹមគ្នានេះដែល ស្មាតហ្វូនជំនាន់ថ្មី Huawei nova 8i ត្រូវបានក្រុមហ៊ុនសម្រិតសម្រាងផលិតឡើងជាមួយនឹងរូបរាងថ្មី កាលីបទាន់សម័យ ស័ក្កសម សម្រាប់យុវវ័យសម័យថ្មី តម្លៃត្រឹមតែ $៣៦៩ ដោយបំពាក់នូវ កាមេរ៉ា 64MP សាកថ្មល្បឿនលឿន 66W សាក៣៨នាទីពេញ ១០០%, និង អេក្រង់ទំហំធំត្រជាក់ភ្នែក 6.67” ភ្ជាប់បច្ចេកវិទ្យាការពារភ្នែក ហើយកាន់តែអែមមានរ៉េចទំហំធំ 8GB និងអង្គផ្ទុកធំរហូតដល់ 128GB លែងបារម្ភរឿងខ្វះ Space ដាក់រូប ឬឯកសារ ទៀតហើយ។

អ្វីដែលកាន់តែគួរឲ្យចាប់អារម្មណ៍បន្ថែមទៀតនោះគឺ Huawei បានទម្លុះនូវររនាំងថ្មីនៃផលិតផល Eco-System ឆ្លាតវៃ គឺ ម៉ាស៊ីនព្រីន HUAWEI PixLab X1 ងាយស្រួលភ្ជាប់បំផុតជាមួយស្មាតហ្វូន Laptop កុំព្យូទ័រ, Tablet តាមរយៈបច្ចេកវិទ្យា Huawei Share មុខងារ POP UP connect ដែលពិតជាបង្កលក្ខណៈងាយស្រួលសម្រាប់អ្នកប្រើប្រាស់ មិនថា​ នៅក្នុងក្រុមហ៊ុន ការិយាល័យ បណ្តាល័យ គ្រឹះស្ថានសិក្សា ហ្វូតូកូពី ឬក៏គេហដ្ឋាននោះ ពោលគឺអាចភ្ជាប់ដោយខ្លួនឯងស្វ័យប្រវត្តិ ពុំចាំបាច់ត្រូវការជំនួយការក្បែរ ឬខ្សែតភ្ជាប់ សំាញុំា នាំតែខាតពេលវេលាច្រើន ភ្ជាប់ភ្លាម ព្រីនបានភ្លែត ភ្ជាប់តែម្តងជាស្រេច ជាពិសេស មិនថានៅទីណា កន្លែងណា ឆ្ងាយប៉ុណ្ណាទេ យើងនៅតែអាច Print ឯកសារបានតាមរយៈមុខងារ Remote Print ពីចម្ងាយ (Cloud) ដែលពិតជាជួយសន្សំសំចៃពេលវេលា និង ជួយសម្រួលពន្លឿនការងារទាន់ពេល និងស្ថានការណ៍ជាក់ស្តែង ហើយសម្រាប់តម្លៃវិញគឺត្រឹមតែ $២៩៩ តែប៉ុណ្ណោះ។

ក្រៅពីដាក់សម្ពោធផលិតផលឆ្លាតវៃថ្មីៗ ក្រុមហ៊ុនហួវៃ ក៏កំពុងពង្រីកហាង Huawei Flagship Store ខ្នាតអន្តរជាតិនៅក្នុងផ្សារទំនើប អូឡាំព្យាដំបូងគេបង្អស់ ដែលញុំាងឲ្យអតិថិជនអាចទទួលបានបទពិសោធន៍ថ្មីៗ ផលិតផលហួវៃបែបសេណារីយ៉ូ ។ កម្មវិធីដាក់សម្ពោធ Huawei Digital Power, ស្មាតហ្វូនជំនាន់ថ្មី Nova 8i ព្រីនធឺឆ្លាតវៃ HUAWEI PixLab X1 និង Huawei Flagship Store នៅផ្សារទំនើបអូឡាំព្យា ត្រូវបានបិទបញ្ចប់យ៉ាងរលូនក្រោម កម្រងរូបថតអនុស្សាវរីយ៍ Break Dance ការសម្តែងតារាប្រុសស្រីល្បី និងការពិសារភោជនីយដ្ឋានសាមគ្គីរួមគ្នា៕