​កាលពីថ្ងៃទី ៣ កញ្ញា ២០២១ WhatApp បានបង្ហោះសារលើគណនី Twitter ផ្លូវការបង្ហាញពីកំណែអាប់ឌែតចុងក្រោយរបស់ខ្លួនដោយបន្ថែមមុខងារថ្មីគឺ «​ទោះ​ទូរសព្ទ​ថ្មី តែមិនបាត់បង់ឯកសារ(អក្សរ,រូបនិងវីដេអូ)» ស្រាប់តែ Telegram ស៊ែរបន្តចេតនាឌឺដងថា នេះជាឆ្នាំណាទៅហើយ? មុខងារ​នេះ​មាន​លើ Telegram ​រាប់​សិប​ឆ្នាំ​ហើយ។

​ក្នុង​វីដេអូ​បង្ហាញ​ថា មុខងារ WhatApp history across OS (iOS→ Android) មាន​គោលបំណង​ចង់​ឲ្យ​អ្នក​ប្រើ​សាកបទពិសោធន៍ថ្មី ទោះ​ជាអក្សរ,សំឡេង, រូបនិងវីដេអូ​ ពីទូរសព្ទមុនៗយ៉ាងម៉េចក៏ដោយ ពេលប្តូរមកថ្មីបានទាំងអស់។ យ៉ាងណាមិញ មុខងារថ្មីបង្ហាញខាងលើនេះ មិនទាន់ប្រើកើតពេញលេញនៅឡើយ។

​WhatApp គឺជាផលិតផលមួយរបស់ក្រុមហ៊ុន Facebook Inc មានអ្នកកំពុងប្រើជាប្រចាំដល់ទៅ ២ ពាន់លានគណនី។ មួយរយៈចុងក្រោយនេះ ​WhatAp តែងតែជួបបញ្ហាមិនលោះពេលសោះ និយាយរួមមានរឿងគ្រប់ទិស រហូតដល់សារព័ត៌មាននានាចុះផ្សាយព្រោងព្រាតថា រកឃើញមាន បញ្ហាលួចទិន្នន័យអ្នកប្រើប្រាស់ត្រូវគេប្តឹងផ្ដល់ដល់តុលការ មានអ្នកប្រើរអ៊ូរទាំខ្លះក៏ឈប់ប្រើ ខ្លះក៏លុបកម្មវិធីចោល ជាដើម។ល។

​Telegram គឺជាគូប្រជែង WhatApp តាំងពីបង្កើតដំបូងឆ្នាំ ២០១៣ ។ ក្រឡេក​មក​មើល Telegram វិញ​ទោះជា ទូរសព្ទម៉ាកអ្វីក៏ដោយ (iPhone ឬ Android Phone) ឲ្យតែមានគណនី Telegram ចង់ប្តូរទូរសព្ទប៉ុន្មានដងក៏នៅតែឃើញសារចាស់ៗទាំងអស់ សាមញ្ញ និងផ្ញើរ file ធំៗបានទៀត ជាហេតុធ្វើឲ្យប្រជាប្រិយភាពកើនឡើងយ៉ាងរហ័ស មានអ្នកកំពុងប្រើជាប្រចាំថ្ងៃជាង ១ ពាន់លានគណនី៕