• 2021-04-29 03:41:31
  • ព័ត៌មាន

CEO Apple លោក Tim Cook សរសើរផលិតផលនេះមិនដាច់ពីមាត់!

  • 2021-04-29 03:41:31
  • ចំនួនមតិ 0 | ចំនួនចែករំលែក 0

ចន្លោះមិនឃើញ

នាយកប្រតិបត្តិក្រុមហ៊ុន Apple លោក Tim Cook បានបង្ហាញថា iPhone 12 ជាស្មាតហ្វូនពេញនិយមបំផុត ចំណែក​ឯ​ iPhone 12 Pro ក៏ជាម៉ូឌែលដែលលក់ដាច់ខ្លាំងដូច​គ្នា​ក្នុងចំណោម iPhone ដែលប្រកាសចេញកាលពី​ឆ្នាំ ២០២០។

នាយកប្រតិបត្តិក្រុមហ៊ុន Apple

លោក Tim ក៏​បានបញ្ជាក់បន្ថែម​ទៀត​ថា iPhone 12 គឺជាម៉ូដែលជោគជ័យបំផុតក្នុងចំណោមត្រកូល iPhone 12 ទាំងអស់។ ដោយឡែក iPhone 12 Pro និង iPhone 12 Pro Max ក៏​លក់​ដាច់​គួរ​សម​ដែរ ទោះបីជា​វាមិនមែនឈរនៅលេខរៀងទីមួយក៏ដោយ។

iPhone 12 Pro

ក្រោយ​ពេល​សរសើរ​ស្មាតហ្វូន​លំដាប់​ flagship ខាង​លើ​គេ​សង្កេត​ឃើញ​ថា​ iPhone 12 ទាំង៤ម៉ូឌែល CEO របស់ Apple មិនបានលើកយក iPhone 12 mini មកនិយាយនោះទេ។

ជាមួយ​គ្នា​នោះ​ដែរ​ ក្រុមអ្នកវិភាគបានលើកឡើងថា ការព្យាយាមលក់ iPhone 12 mini របស់ Apple នៅលើទឹកដីកំណើតរបស់វា [សំដៅលើសហរដ្ឋអាមេរិច] កាលពីខែមករាកន្លងទៅ បានត្រឹមតែចំនួន ៥% ប៉ុណ្ណោះនៃការលក់ iPhone 12 គ្រប់ស៊េរី។ ទិន្នន័យនេះ​មាន​ន័យ​ថា iPhone តូចរបស់​ខ្លួន​ហាក់មិនហុចផលល្អប៉ុន្មាន​ឡើយ ចំពោះយក្សបច្ចេកវិទ្យាអាមេរិចមួយនេះ៕

ប្រភព៖ 9to5Mac ប្រែ​សម្រួល៖ កុសល

មតិយោបល់