- 2021-01-13 02:58:04
- ព័ត៌មាន
អេមណាស់! Honda CBR650R និង CB650R ចេញលក់នៅថៃ តម្លៃខ្ទង់ម៉ឺនដុល្លារ
- 2021-01-13 02:58:04
- ចំនួនមតិ 0 | ចំនួនចែករំលែក 0
អេមណាស់! Honda CBR650R និង CB650R ចេញលក់នៅថៃ តម្លៃខ្ទង់ម៉ឺនដុល្លារ
ចន្លោះមិនឃើញ
ក្រុមហ៊ុន Honda ប្រចាំនៅប្រទេសថៃ បានប្រកាសចេញម៉ូតូ CBR650R និង CB650R ស៊េរីឆ្នាំ២០២១ ជាផ្លូវការនៅក្នុងប្រទេសរបស់ខ្លួន។
បើប្រៀបធៀបទៅនឹងស៊េរីមុនៗ CBR650R និង CB650R ឆ្នាំ២០២១ បានអាប់ដេតតែមថ្មី និងលក្ខណៈពិសេសមួយចំនួនផងដែរ។ មិនតែប៉ុណ្ណោះ វាក៏មានបន្ថែមពណ៌ថ្មី គឺ ប្រផេះលាយខ្មៅ ទៀតផង។ ជាមួយនឹងពណ៌ថ្មីនេះ ធ្វើឲ្យ CBR650R មានសរុប ៣ ពណ៌ គឺ ប្រផេះខ្មៅ, ក្រហមខ្មៅ និង ខ្មៅ ខណៈ CB650R មាន ៤ ពណ៌ គឺ ប្រផេះខ្មៅ, ក្រហមខ្មៅ, ខៀវខ្មៅ និង ខ្មៅ។
ជាមួយគ្នានេះដែរ ម៉ូតូទាំង ២ ម៉ូដែលខាងលើ ក៏បានបន្ថែមរន្ធសាកថ្មទូរសព្ទមួយ ដែលមានទីតាំងនៅក្រោមកែប។ ក្រៅពីនោះ វានៅតែមានបំពាក់បូមមុខ Showa SFF-BP, មុខងារទប់លំនឹង HSTC traction control ហើយបំពាក់ម៉ាស៊ីនទំហំ ៤ស៊ីឡាំង មានកម្លាំង ៦៥០សេសេ។
ម៉ូតូ Honda CBR650R និង CB650R ឆ្នាំ២០២១ ត្រូវបានដាក់លក់នៅក្នុងប្រទេសថៃ ជាមួយនឹងតម្លៃ ១០ ៧៥០ដុល្លារ និង ១០ ២៥០ដុល្លារ៕
