- 2020-12-29 01:42:19
- ផលិតផលថ្មី
Xiaomi ធ្វើបែបនេះបានច្បាស់ថាពិតជាចង់ជួយដល់បរិស្ថានមែន!
- 2020-12-29 01:42:19
- ចំនួនមតិ 0 | ចំនួនចែករំលែក 0
Xiaomi ធ្វើបែបនេះបានច្បាស់ថាពិតជាចង់ជួយដល់បរិស្ថានមែន!
ចន្លោះមិនឃើញ
Xiaomi បានបង្ហាញចេញជាផ្លូវការនូវ Xiaomi Mi 11 ដែលមានតែមួយប្រភេទប៉ុណ្ណោះ មិនមានប្រភេទ Pro ឬ Plus អ្វីនោះឡើយ។ វាជាស្មាតហ្វូនដំបូងគេដែលមានប្រើឈីប Snapdragon 888 ហើយក៏មានបំពាក់អេក្រង់ល្អដាច់គេផងដែរ។
Xiaomi បានសម្រេចចិត្តមិនដាក់បញ្ចូលដុំសាកថ្មក្នុងប្រអប់ Mi 11 នោះទេ ដោយបានលើកយកហេតុផលថាដើម្បីជួយការពារដល់បរិស្ថាន ដោយកាត់បន្ថយនូវកាកសំណល់អេឡិចត្រូនិក។ យ៉ាងណាក្ដី Xiaomi នឹងផ្ដល់ជូនដុំសាក GaN កម្លាំង 65W ដោយឥតគិតថ្លៃ ប្រសិនបើអតិថិជនមិនទាន់មានដុំសាកដែលប្រើមិនត្រូវជាមួយ Mi 11។
Xiaomi Mi 11 មានបំពាក់ថ្មទំហំ ៤៦០០mAh ដែលមានគាំទ្រការសាកថ្មកម្លាំង 55W, ការសាកដោយមិនប្រើខ្សែកម្លាំង 50W និងអាចសាកថ្មឲ្យឧបករណ៍ដទៃដោយមិនប្រើខ្សែបាន 10W។
បន្ទះឈីបលើ Mi 11 គឺមានគួបផ្សំជាមួយ RAM ទំហំ 8GB ដែលមានជម្រើសអង្គផ្ទុក 128GB ឬ 256GB ហើយវាក៏មានជម្រើស RAM ទំហំ 12GB ជាមួយអង្គផ្ទុក 256GB ផងដែរ។ ស្មាតហ្វូននេះដែរមិនមានរន្ធដោតមេមូរីកាតដើម្បីបន្ថែមទំហំនោះទេ។
អេក្រង់របស់ Mi 11 នេះមានទំហំ ៦,៨១អ៊ីញ ជាប្រភេទ AMOLED ដែលអាចបង្ហាញរូបភាពក្នុងកម្រិត QHD+ និងមាន Refresh Rate 120Hz។ អេក្រង់នេះអាចជះពន្លឺបានរហូតដល់ 1500nits និងមានការពារដោយកញ្ចក់ Gorilla Glass Victus ថែមទៀតផង។ នៅក្រោមអេក្រង់ក៏មានបង្កប់ទ្រនាប់ស្កេនម្រាមដៃផងដែរ។
ចូលដល់ផ្នែកកាមេរ៉ា វាមានកាមេរ៉ាមេទំហំ 108MP ដែលជាប្រភេទឡេន 7P មាន Aperture f/1.85។ កាមេរ៉ាទីពីរជាប្រភេទ Ultrawide ទំហំ 13MP ដែលអាចថតទិដ្ឋភាពទំហំ ១២៣ដឺក្រេ ហើយទីបីជាកាមេរ៉ា Macro ទំហំ 5MP។ កាមេរ៉ាមុខមានទំហំ 20MP ដែលមានទីតាំងនៅផ្នែកលើខាងឆ្វេង។
ការដាក់លក់លើកដំបូងសម្រាប់ Xiaomi Mi 11 នេះនឹងចាប់ផ្ដើមនៅថ្ងៃទី១ ខែមករា ជាមួយតម្លៃដែលមានចាប់ពី ៦១០ដុល្លារ ដល់ថ្លៃបំផុតគឺ ៧២០ដុល្លារ៕