- 2020-12-22 03:29:06
- ព័ត៌មាន
ទីបំផុតច្បាស់ពីថ្ងៃប្រកាសចេញ ស្មាតហ្វូនប្រើឈីប Snapdragon 888 មុនគេក្នុងលោក
- 2020-12-22 03:29:06
- ចំនួនមតិ 0 | ចំនួនចែករំលែក 0
ទីបំផុតច្បាស់ពីថ្ងៃប្រកាសចេញ ស្មាតហ្វូនប្រើឈីប Snapdragon 888 មុនគេក្នុងលោក
ចន្លោះមិនឃើញ
រូបភាព Teaser មួយដែលបង្ហាញចេញដោយគណនី Twitter ឈ្មោះ Ice Universe បានឲ្យដឹងថា Xiaomi នឹងប្រកាសចេញស្មាតហ្វូន Xiaomi Mi 11 ជាផ្លូវការនៅថ្ងៃទី២៨ ខែធ្នូ ដែលជាស្មាតហ្វូនបំពាក់ដោយឈីប Snapdragon 888 ដំបូងគេបំផុត។
ដំណឹងលេចឮកន្លងមកបានឲ្យដឹងថា Mi 11 នឹងបន្តប្រើប្រាស់រចនាបថអេក្រង់រាងកោងគ្រប់ជ្រុង ហើយវានឹងមានការឌីហ្សាញចោះរន្ធកាមេរ៉ាលើអេក្រង់ដូចជាត្រកូល Mi 10 ដែរ។ អេក្រង់របស់ Mi 11 នឹងជាប្រភេទ AMOLED អាចបង្ហាញរូបភាពក្នុងកម្រិត 2K និងមាន Refresh Rate 120Hz ទៀតផង។
ក្រៅពីប្រើប្រាស់ឈីប Snapdragon 888 ហើយនោះ Mi 11 ក៏រំពឹងថាមានបំពាក់ RAM ទំហំ 12GB និងគាំទ្រការសាកថ្មល្បឿន 55W ប៉ុន្តែស៊េរីខ្ពស់ជាងគេអាចនឹងគាំទ្រការសាកថ្មដល់ 120W ឯណោះ៕
