- 2020-11-27 02:42:37
- ព័ត៌មាន
Hyundai ត្រៀមចេញលក់ឡាន SUV ខ្នាតតូចថ្មីឈ្មោះដូចពាក្យខ្មែរ "បាយ័ន” តម្លៃធូរជាង Kona
- 2020-11-27 02:42:37
- ចំនួនមតិ 0 | ចំនួនចែករំលែក 0
Hyundai ត្រៀមចេញលក់ឡាន SUV ខ្នាតតូចថ្មីឈ្មោះដូចពាក្យខ្មែរ "បាយ័ន” តម្លៃធូរជាង Kona
ចន្លោះមិនឃើញ
ក្រុមហ៊ុន Hyundai បានឲ្យតម្រុយអំពីរថយន្ត SUV ខ្នាតតូចថ្មីសម្រាប់ចេញលក់លើទីផ្សារអឺរ៉ុបនៅឆមាសដំបូងនៃឆ្នាំ ២០២១ ដែលវានឹងមានតម្លៃធូរថ្លៃជាងរថយន្ត Hyundai Kona។
រថយន្តថ្មីនេះនឹងមានឈ្មោះថា Hyundai Bayon ដែលក្រុមហ៊ុនបានលើកឡើងថាឈ្មោះនេះគឺមានប្រភពចេញពីទីក្រុង Beyonne ដែលស្ថិតនៅភាគនិរតីនៃប្រទេសបារាំង។ ព័ត៌មានបន្ថែមទៀតក្រុមហ៊ុន Hyundai នឹងបង្ហាញចេញនាពេលឆាប់ៗខាងមុខនេះ។
យ៉ាងណាក្ដីគេរំពឹងថារថយន្ត Hyundai Bayon អាចនឹងមានលក្ខណៈបច្ចេកទេសពាក់ព័ន្ធនឹងរថយន្ត ម៉ូដែល i20 ដោយសាររថយន្តនេះមានទំហំតូចជាងរថយន្ត Kona។ រថយន្ត Hyundai i20 មានប្រវែងសរុប ៤០៤០ម.ម ដែលប្រើម៉ាស៊ីន ១,២លីត្រ ផលិតកម្លាំងបាន ៨៣សេះ និងមានជម្រើសម៉ាស៊ីន Turbo ៣ស៊ីឡាំងកម្លាំង ៩៩សេះ ឬជម្រើសម៉ាស៊ីន Hybrid កម្លាំង ១១៨សេះផងដែរ៕
