- 2020-11-24 06:30:26
- ព័ត៌មាន
សេដ្ឋីលេខ១លើលោក ប្រាប់អំពីថ្នាំទិព្វអាចកម្ចាត់ជំងឺស្ត្រេស
- 2020-11-24 06:30:26
- ចំនួនមតិ 0 | ចំនួនចែករំលែក 0
សេដ្ឋីលេខ១លើលោក ប្រាប់អំពីថ្នាំទិព្វអាចកម្ចាត់ជំងឺស្ត្រេស
ចន្លោះមិនឃើញ
លោក Jeff Bezos ស្ថាបនិកក្រុមហ៊ុន Amazon បានប្រាប់អំពីទម្លាប់ផ្ទាល់ខ្លួនមួយ ដែលស្ដាប់ទៅហាក់ដូចជាខុសពីមហាសេដ្ឋី និងនាយកប្រតិបត្តិក្រុមហ៊ុនមួយចំនួនទៀត។
ក្នុងកិច្ចសម្ភាសន៍មួយជាមួយកាសែត The Wall Street Journal លោក Jeff Bezos បាននិយាយអំពីសារៈសំខាន់នៃដំណេក។ រូបលោកតែងតែមានទម្លាប់ត្រូវគេងឲ្យបាន ៨ម៉ោងក្នុងមួយយប់ ខណៈដែលសេដ្ឋី និងនាយកក្រុមភាគច្រើនចំណាយពេល ៤ម៉ោងប៉ុណ្ណោះសម្រាប់ដំណេករបស់ខ្លួន។
មហាសេដ្ឋីលេខ១លើលោកនេះ បាននិយាយថាថ្នាំដែលអាចកម្ចាត់ភាពស្ត្រេសតប់ប្រមល់ និងការធ្វើការងារច្រើនលើសលប់ គឺការគេងឲ្យបានគ្រប់គ្រាន់។ មានពេលខ្លះរូបលោកបានយកកម្រាលសម្រាប់ក្រាលគេងយកទៅការិយាល័យដើម្បីគេងសម្រាករយៈពេលខ្លី អំឡុងពេលដែលត្រូវធ្វើការហួសកម្លាំង។
បន្ថែមពីនេះលោក Jeff Bezos ក៏បាននិយាយថាការទម្លាប់ក្រោកដោយខ្លួនឯងគឺជារឿងល្អបំផុតមួយ ដោយលោកមិនបានប្រើប្រាស់ម៉ោងរោទ៍នោះទេ។ មានអ្នកស្រាវជ្រាវលើដំណេកជាច្រើន ក៏បានលើកឡើងអំពីផលល្អនៃការក្រោកពីដំណេកដោយខ្លួនឯងផងដែរ៕
