- 2020-10-16 04:19:27
- ព័ត៌មាន
Tesla បញ្ចុះតម្លៃឡានពីរដងក្នុងមួយសប្ដាហ៍ ដើម្បីវាយបកគូប្រជែង
- 2020-10-16 04:19:27
- ចំនួនមតិ 0 | ចំនួនចែករំលែក 0
Tesla បញ្ចុះតម្លៃឡានពីរដងក្នុងមួយសប្ដាហ៍ ដើម្បីវាយបកគូប្រជែង
ចន្លោះមិនឃើញ
ក្រុមហ៊ុន Tesla បានបញ្ចុះតម្លៃរថយន្តម៉ូដែល Tesla Model S នៅទីផ្សារអាមេរិកជាលើកទីពីរក្នុងសប្ដាហ៍នេះ ក្រោយពីក្រុមហ៊ុន Lucid Motors ដែលជាគូប្រជែងបានបង្ហាញចេញតម្លៃរថយន្តប្រភេទធូរថ្លៃជាងគេរបស់ខ្លួន។
ការបញ្ចុះតម្លៃលើកចុងក្រោយនេះធ្វើឲ្យរថយន្ត Tesla Model S នៅសល់តម្លៃចាប់ពី ៦៩ ៤២០ដុល្លារ ដែលតម្លៃកាលពីបីថ្ងៃមុនគឺមានចាប់ពី ៧១ ៩៩០ដុល្លារ។ សម្រាប់តម្លៃនេះ អតិថិជនទទួលបាន Model S ដែលមានម៉ូទ័រអគ្គិសនីពីរ អាចបើកបរបានចម្ងាយ ៦៤៧គីឡូម៉ែត្រ ពេលសាកភ្លើងពេញ។
ចំណែករថយន្ត Lucid Air ឯណោះវិញ មានតម្លៃចាប់ពី ៦៩ ៩០០ដុល្លារឡើងទៅ សម្រាប់ប្រភេទប្រើម៉ូទ័រអគ្គិសនីមួយ និងអាចបើកបរបានចម្ងាយ ៦៥៣គីឡូម៉ែត្រ៕
