- 2020-08-24 05:52:10
- ព័ត៌មាន
Google Pixel 5 លើកនេះនឹងមានថែមកាមេរ៉ា Ultrawide មកមួយទៀត
- 2020-08-24 05:52:10
- ចំនួនមតិ 0 | ចំនួនចែករំលែក 0
Google Pixel 5 លើកនេះនឹងមានថែមកាមេរ៉ា Ultrawide មកមួយទៀត
ចន្លោះមិនឃើញ
ស្មាតហ្វូន Google Pixel 4a 5G និង Google Pixel 5 ត្រូវបាន Google ឲ្យតម្រុយថានឹងប្រកាសចេញនាពេលដ៏ខ្លីខាងមុខនេះ ដែលពាក្យចចាមអារ៉ាមបានឲ្យដឹងថាពួកវាទាំងពីរនឹងចេញមុខនៅថ្ងៃទី ៣០ ខែកញ្ញា។
ត្បិតថា Google មិនបានបង្ហាញលក្ខណៈសម្បត្តិ និងរូបរាងច្បាស់ៗរបស់ស្មាតហ្វូនថ្មីទាំងពីរ ប៉ុន្តែថ្មីៗនេះមានការលេចធ្លាយរូបភាព Render ផ្អែកតាមគំនូរព្រាង CAD នៃ Google Pixel 5 និងលក្ខណៈសម្បត្តិមួយចំនួនរបស់វាផងដែរ។
Google Pixel 5 ត្រូវបានគេអះអាងថាវានឹងមាន RAM ទំហំ ៨GB និងមានអង្គផ្ទុកទំហំ ១២៨GB ហើយប្រើប្រាស់បន្ទះឈីប Snapdragon 765G។ ចំណែកអេក្រង់នឹងមានទំហំ ៦អ៊ីញ ជាប្រភេទ OLED មាន Refresh Rate 90Hz និងអាចបង្ហាញរូបភាពកម្រិត FullHD+។
ចំពោះការថតរូប Pixel 5 នឹងមានបំពាក់កាមេរ៉ាភ្លោះនៅផ្នែកខាងក្រោយ ដែលនឹងកាមេរ៉ា Ultrawide គួបផ្សំនឹងកាមេរ៉ាមេធម្មតាទំហំ ១២,២MP។
ក្រៅពី Pixel 5 ក៏មានលេចធ្លាយរូបភាព Render នៃ Pixel 4a 5G ផងដែរ ដែលគេបានឲ្យដឹងផងដែរថាវាមានថ្មទំហំ ៣៨០០ mAh, RAM ទំហំ ៦GB, អេក្រង់ 60Hz និងប្រើបន្ទះឈីប Snapdragon 765G ដូចជា Pixel 5 ដែរ៕
