- 2020-06-19 04:14:35
- ព័ត៌មាន
Apple ប្រកែកមិនទទួលកម្មវិធីមួយរបស់ Facebook ដាក់លើ App Store ខ្លួន
- 2020-06-19 04:14:35
- ចំនួនមតិ 0 | ចំនួនចែករំលែក 0
Apple ប្រកែកមិនទទួលកម្មវិធីមួយរបស់ Facebook ដាក់លើ App Store ខ្លួន
ចន្លោះមិនឃើញ
Apple បានប្រកែកមិនទទួលជាថ្មីម្ដងទៀតនូវកម្មវិធី Facebook Gaming សម្រាប់ដាក់លើ iOS App Store របស់ខ្លួន។ កម្មវិធីនេះត្រូវបាន Apple ត្រួតពិនិត្យកាលពីប៉ុន្មានសប្ដាហ៍កន្លងមកនេះ ប៉ុន្តែពេលនេះក្រុមហ៊ុនសម្រេចថាមិនទទួលយកវាយ៉ាងច្បាស់តែម្ដង។
ក្រុមការងាររបស់ Facebook ហាក់មិនភ្ញាក់ផ្អើលនឹងការសម្រេចចិត្តរបស់ Apple ឡើយ ដោយសារពួកគេបានព្យាយាមដាក់ដំណើរការកម្មវិធីនេះលើ App Store តាំងពីខែកុម្ភៈមកម្ល៉េះ ដោយមិនទទួលបានជោគជ័យម្ដងឡើយ។
Facebook Gaming ប្រៀបដូចជា Game Store មួយ ដែលមានផ្ដល់ជូនហ្គេមជាច្រើនប្រភេទនៅក្នុងនោះ ហើយអ្នកលេងអាចធ្វើការ Live Stream ការលេងរបស់ខ្លួនតាមបណ្ដាញសង្គមរបស់ Facebook បានផងដែរ។ ដោយសារតែវាជា Game Store មួយ ទើប Apple មិនព្រមអនុញ្ញាតឲ្យវាមានលើ App Store របស់ខ្លួន ព្រោះថាមុខជំនួញ App Store និង Apple Arcade របស់ Apple អាចរងផលប៉ះពាល់ពី Facebook Gaming នេះ ពោលគឺអាចខាតបង់ចំណូល។
ទោះបីជាមិនទទួលបានជោគជ័យនាពេលនេះមែន ប៉ុន្តែ Facebook រំពឹងថា Apple អាចនឹងគិតគូរឡើងវិញលើការច្រានចោលសំណើរបស់ខ្លួន៕
