- 2020-03-25 07:41:34
- ព័ត៌មាន
អ្នកបង្កើតហ្គេមពង្រាយជំងឺឆ្លង មិនធ្លាប់គិតថាពិភពលោកពិតអាចជួបរឿងដូចហ្គេមរបស់ខ្លួន
- 2020-03-25 07:41:34
- ចំនួនមតិ 0 | ចំនួនចែករំលែក 0
អ្នកបង្កើតហ្គេមពង្រាយជំងឺឆ្លង មិនធ្លាប់គិតថាពិភពលោកពិតអាចជួបរឿងដូចហ្គេមរបស់ខ្លួន
ចន្លោះមិនឃើញ
វីដេអូហ្គេមឈ្មោះថា Plague Inc. គឺជាហ្គេមដែលមានរបៀបលេងបង្កើតនូវជំងឺមួយឲ្យឆ្លងនៅទូទាំងពិភពលោក ដែលកាលពីចុងខែមករា ហ្គេម Plauge Inc. បានកើនឡើងចំនួនទាញយកច្រើនសន្ធឹកក្នុងប្រទេសចិនក្រោយផ្ទុះនូវកូវីដ១៩។
នាពេលនេះ Ndemic Creations ដែលជាអ្នកផលិតហ្គេមនេះ បានបន្ថែមនូវ Mode លេងថ្មីចូលទៅក្នុងហ្គេម Plague Inc. ដែលអាចឲ្យអ្នកលេងបញ្ឈប់នូវជំងឺរាតត្បាត។ Mode លេងថ្មីនេះ កើតមានអំឡុងពេលកិច្ចពិភាក្សាអំពីការបរិច្ចាគរវាង Ndemic Creations និងអង្គការសុខភាពពិភពលោក ដែល Ndemic Creations បានបរិច្ចាគទឹកប្រាក់ ២៥០ ០០០ ដុល្លារ ដើម្បីប្រយុទ្ធប្រឆាំងនឹងកូវីដ១៩។
Jame Vaughan ជាអ្នកបង្កើតហ្គេម Plague Inc. និងជាស្ថាបនិក Ndemic Creations បាននិយាយថា ៖ "៨ ឆ្នាំមុន ខ្ញុំមិនដែលបានស្រមៃទេថាពិភពលោកខាងក្រៅ អាចនឹងដូចនឹងហ្គេម Plague Inc. ឬស្រមៃថាមានមនុស្សលេង Plague Inc. ច្រើនបែបនេះ។”
ទាក់ទងនឹង Mode លេងថ្មី គឺនឹងមានអាប់ដេតឥតគិតថ្លៃដល់អ្នកលេងទាំងអស់ ប៉ុន្តែមិនមានការបញ្ជាក់ថាវានឹងត្រូវបញ្ចេញនាពេលណានោះទេ៕