- 2020-03-24 08:25:13
- ផលិតផលថ្មី
ទូរសព្ទប្រើ Snapdragon 865 ថតវីដេអូ 8K មាន 5G តម្លៃខ្ទង់ ៤០០ដុល្លារ ចេញជាផ្លូវការ!
- 2020-03-24 08:25:13
- ចំនួនមតិ 0 | ចំនួនចែករំលែក 0
ទូរសព្ទប្រើ Snapdragon 865 ថតវីដេអូ 8K មាន 5G តម្លៃខ្ទង់ ៤០០ដុល្លារ ចេញជាផ្លូវការ!
ចន្លោះមិនឃើញ
Xiaomi បានប្រកាសចេញ Redmi K30 Pro ជាផ្លូវការ ដែលជាស្មាតហ្វូនលក្ខណៈសម្បត្តិខ្លាំងមានតម្លៃធូរ ជំនាន់ថ្មី ជាអ្នកស្នងតំណែង Redmi K20 Pro (នៅអាស៊ី) ឬ Mi 9T Pro (នៅអឺរ៉ុប)។ អ្វីដែលពិសេសនោះវាមានមកជាមួយនូវ K30 Pro Zoom មួយម៉ូដែលទៀត។
Redmi K30 Pro ទាំងពីរមានខុសគ្នាត្រង់ចំណុចកាមេរ៉ាមួយមុខគត់ ដោយម៉ូដែល Zoom មានបំពាក់កាមេរ៉ាមេទំហំ ៦៤MP ជា Sensor IMX686 អាចថតវីដេអូកម្រិត 8K, កាមេរ៉ា Ultra-Wide ទំហំ ១៣MP, កាមេរ៉ាវាស់ជម្រៅ ២MP និងកាមេរ៉ា Telephoto ទំហំ ៨MP ដែលអាច Zoom បាន 3x។ ប្រភេទ Zoom ក៏មានបំពាក់មុខងាររក្សាលំនឹង OIS លើឡេនមេ និងឡេន Telephoto ដែលប្រភេទធម្មតាមិនមាន។
កាមេរ៉ារបស់ K30 Pro ធម្មតាគឺមានកាមេរ៉ាមេកម្រិត ៦៤MP ជា Sensor IMX686, កាមេរ៉ា Ultra-Wide ទំហំ ១៣MP, កាមេរ៉ាវាស់ជម្រៅទំហំ ២MP និងកាមេរ៉ា Telephoto Macro ទំហំ ៥MP។ កាមេរ៉ា Selfie លើស្មាតហ្វូនទាំងពីរគឺមានទំហំ ២០MP ដូចគ្នា។
ចូលដល់ផ្នែកគ្រឿងក្នុងវិញ ពួកវាទាំងពីរមានបំពាក់អេក្រង់ OLED ទំហំ ៦,៦៧ អ៊ីញ អាចបង្ហាញរូបភាពក្នុងកម្រិត FHD+ និងមាន Refresh Rate 60Hz។ មានបំពាក់ឈីប Snapdragon 865 ដែលមានន័យថាវាក៏មានទ្រាំទ្រនូវសេវា 5G ដែរ។
ថាមពលថ្មមានទំហំ ៤៧០០ mAh ដែលតាមរយៈការប្រើប្រាស់បច្ចេកវិទ្យាសាកកម្លាំង ៣៣ វ៉ាត់ អាចសាកបានដល់ ១០០% ក្នុងពេលត្រឹម ៦៣ នាទី។ ចំពោះមុខងារសាកថ្មឥតប្រើខ្សែមិនមាននោះទេ។ ចំណុចផ្សេងទៀតមានដូចជារន្ធកាស 3.5mm ទ្រនាប់ស្កេនម្រាមដៃលើអេក្រង់ និងប្រើប្រព័ន្ធប្រតិបត្តិការ Android 10 ជាមួយ MIUI 11។
នៅប្រទេសចិន Redmi K30 Pro មានតម្លៃចាប់ពីប្រមាណ ៤២៥ ដុល្លារ សម្រាប់ប្រភេទ RAM ទំហំ ៦GB/អង្គផ្ទុក ១២៨GB និងមានតម្លៃប្រមាណ ៤៨០ ដុល្លារ សម្រាប់ប្រភេទ RAM ៨GB/១២៨GB ហើយតម្លៃប្រមាណ ៥២៣ដុល្លារ សម្រាប់ប្រភេទ RAM ៨GB/២៥៦GB។
ចំណែក K30 Pro Zoom វិញ មានតម្លៃចាប់ពីប្រមាណ ៥៣៧ដុល្លារ សម្រាប់ប្រភេទ RAM ៨GB/១២៨GB និងតម្លៃប្រមាណ ៥៦៥ ដុល្លារសម្រាប់ប្រភេទ RAM ៨GB/២៥៦GB៕