- 2020-03-17 06:40:18
- ព័ត៌មាន
ចេញមកច្បាស់ៗរូបរាង Motorola Edge+
- 2020-03-17 06:40:18
- ចំនួនមតិ 0 | ចំនួនចែករំលែក 0
ចេញមកច្បាស់ៗរូបរាង Motorola Edge+
ចន្លោះមិនឃើញ
រូបភាព Render ច្បាស់ៗនៃ Motorola Edge+ ត្រូវបានបង្ហាញចេញដោយអ្នកចែករំលែកដំណឹងលេចធ្លាយល្បីឈ្មោះ Evan Blass ដែលអាចឲ្យគេឃើញអំពីរូបរាងស្មាតហ្វូនកំពូលថ្មី Motorola ត្រៀមប្រកាសចេញ។
នៅផ្នែកខាងមុខរបស់ Motorola Edge+ នេះគឺមានបំពាក់ដោយអេក្រង់រាងកោង ដែលមានចោះរន្ធតូចមួយផ្នែកខាងលើសម្រាប់បំពាក់កាមេរ៉ា Selfie ទំហំ ២៥ MP ហើយអេក្រង់នេះមានទ្រនាប់ស្កេនម្រាមដៃបង្កប់ទៀតផង។ អេក្រង់នេះគឺមានទំហំ ៦,៦៧ អ៊ីញ ដែលមាន Refresh Rate 60Hz និង 90Hz អាចប្រែប្រួលស្វ័យប្រវត្តិទៅតាមការប្រើប្រាស់ជាក់ស្ដែង។
ការចុះផ្សាយរបស់ XDA-Developers កន្លងមកបានឲ្យដឹងថាស្មាតហ្វូននេះនឹងប្រើបន្ទះឈីប Snapdragon 865 អមដោយ RAM ទំហំ ៨GB និង ១២GB, មានថ្មទំហំ ៥០០០ mAh, មានទ្រាំទ្រសេវា 5G ហើយកាមេរ៉ាមេផ្នែកខាងក្រោយគឺមានទំហំដល់ ១០៨MP។
ក្រៅពី Motorola Edge+ ក្រុមហ៊ុនក៏មាន Motorola Edge ធម្មតា ដែលមានបំពាក់អេក្រង់សមត្ថភាពដូចគ្នា ប៉ុន្តែប្រើត្រឹមបន្ទះឈីប Snapdragon 765, ថ្មទំហំ ៤៥០០ mAh និងមិនមានសេវា 5G ឡើយ។
ដើមឡើយ Motorola មានគម្រោងប្រកាសចេញស្មាតហ្វូនទាំងពីរនៅក្នុងកម្មវិធី MWC ប៉ុន្តែដោយសារតែវីរុសកូរ៉ូណារាតត្បាតទើបត្រូវពន្យារពេល ហើយពេលនេះគេនៅមិនទាន់ដឹងកាលបរិច្ឆេទប្រកាសស្មាតហ្វូននេះនៅឡើយទេ៕
