ដឹងហេតុផលដែលគូប្រជែង Rolls-Royce Phantom ត្រូវសម្លាប់ចោល

2020-03-12 06:43:45
ព័ត៌មាន

2020-03-12 06:43:45
ចំនួនមតិ 0 | ចំនួនចែករំលែក 0

ចន្លោះមិនឃើញ

រថយន្ត Bentley Mulsanne ដែលជាគូប្រជែងខ្លាំងក្លាមួយរបស់រថយន្តប្រណីត Rolls-Royce Phantom នឹងត្រូវបញ្ឈប់ការផលិតនាអំឡុងត្រីមាសទី ២ ឆ្នាំ ២០២០ នេះតទៅ ដោយមិនមានរថយន្តថ្មីចូលមកស្នងតំណែងនោះទេ។

ក្នុងកិច្ចសម្ភាសន៍មួយជាមួយសារព័ត៌មាន Top Gear លោក Adrian Hallmark ដែលជានាយកប្រតិបត្តិក្រុមហ៊ុន Bentley បានប្រាប់អំពីហេតុផលដែលបញ្ចប់ជីវិតរថយន្ត Mulsanne នោះគឺព្រោះការលក់មានកំណើនយឺតយ៉ាវ។ លោកបានបកស្រាយថា ៖ "រថយន្ត Sedan ខ្នាតធំបានក្លាយជាមូលដ្ឋានគ្រឹះមួយរបស់ Bentley អស់រយៈកាលជាង ១០០ ឆ្នាំមកហើយ ប៉ុន្តែចំនួនលក់ហាក់មិនទៅមុខ ទោះបីជាយើងលក់បានច្រើនរថយន្ត Phantom របស់ Rolls-Royce ក្ដី។”

បើតាមការលើកឡើងជាបន្តរបស់ Hallmark បានឲ្យដឹងថាក្រុមហ៊ុន Bentley អាចលក់រថយន្ត Mulsanne បានត្រឹមខ្ទង់ ៥០០ គ្រឿង កាលពីឆ្នាំមុន ទោះបីជាចំនួនអ្នកមានទ្រព្យសម្បត្តិច្រើនមានការកើនឡើងក្ដី។

ក្រោយពីការធ្វើការទូទាត់លើការចំណាយរួច Bentley រកឃើញថាទោះបីជាបញ្ចេញរថយន្តម៉ូដែលថ្មីជំនាន់ថ្មី ក៏មិនអាចរកប្រាក់ចំណេញបានដែរសម្រាប់ផ្នែករថយន្ត Sedan ប្រណីតខ្នាតធំមួយនេះ៕

ប្រភព៖ carscoops ប្រែសម្រួល៖ សុខហេង