- 2020-02-21 06:29:02
- ព័ត៌មាន
ដឹងកាលបរិច្ឆេទបង្ហាញខ្លួនច្បាស់ការរបស់ Vivo Z6 5G ហើយ
- 2020-02-21 06:29:02
- ចំនួនមតិ 0 | ចំនួនចែករំលែក 0
ដឹងកាលបរិច្ឆេទបង្ហាញខ្លួនច្បាស់ការរបស់ Vivo Z6 5G ហើយ
ចន្លោះមិនឃើញ
កាលពីឆ្នាំទៅក្រុមហ៊ុន Vivo បានចេញផ្សាយនៅស្មាតហ្វូន Z5 កាលពីខែកក្កដា ដែលមានប្រើប្រាស់កាមេរ៉ា ៣ គ្រាប់និងបន្ទះឈីប Snapdragon 712 SoC។ ដោយឡែកចូលដល់ឆ្នាំ ២០២០ នេះក្រុមហ៊ុនប្រទេសចិនបានកំណត់ការដាក់បង្ហាញលឿនជាងធម្មតា ពោលនឹងធ្វើឡើងនៅថ្ងៃទី ២៩ កុម្ភៈ សម្រាប់ម៉ូឌែល Vivo Z6 5G។
ក្រុមហ៊ុន Vivo បានឲ្យតម្រុយតាមរយៈការចែកចាយរូបភាពមួយចំនួននៅលើបណ្តាញសង្គមចិន Weibo មានបង្ហាញពីរូបរាង Z6 ដែលមានប្រើប្រាស់អេក្រង់បន្សល់ប្រជ្រុយតូចមួយនៅផ្នែកខាងស្តាំអេក្រង់ និងបង្គំកាមេរ៉ា ៤ គ្រាប់នៅខាងក្រោយ អមប្រព័ន្ធស្កេនខ្ចៅដៃ។
Vivo Z6 នឹងបំពាក់នូវបន្ទះឈីប Snapdragno 765G SoC មានប្រព័ន្ធបញ្ចុះកម្តៅ Liquid Cooling គាំទ្រការប្រើប្រាស់ 5G អមថាមពលថ្ម ៥ ០០០mAh និងមុខងារសាកថ្មរហ័សកម្លាំង ៤៤ វ៉ាត់។
មិនទាន់មានការបញ្ជាក់ពីតម្លៃច្បាស់ការនៅឡើយ តែតាមតម្រុយរូបភាពគឺ Z6 នឹងមានជម្រើស ៣ ពណ៌។ ដំណាក់កាលចេញលក់ដំបូងទំនងជានឹងធ្វើឡើងនៅថ្ងៃទី ២៩ កុម្ភៈ នោះផ្ទាល់លើគេហទំព័រ JD.com របស់ទីផ្សារចិន៕
អានអត្ថបទ: