ថ្មីៗនេះ Oppo បានបង្ហើបពីដំណឹងចេញ Reno 3 Series ដែលអាចនឹងចេញ Reno 3 និង Reno 3 Pro និង Reno 3 Pro(5G) មកដំណាលគ្នាតែម្តង។

អ្វីដែលគួរឲ្យចាប់អារម្មណ៍ខ្លាំងនោះ គឺល្បឿន 5G ដែលដំណើការលឿនមែនទែន រហូតដល់យកទៅបំពេញបេសកម្មដោះគ្រាប់បែកកំណត់ម៉ោង បានរហ័សសឹងមិនគួរឲ្យជឿ។ ស្មា​ត​ហ្វូ​ន​ស៊េរី​ថ្មី​ជំនាន់​ចុងក្រោយ​របស់​ពួកគេ​ បំពាក់​មក​នូវ​បច្ចេកវិទ្យា​ ​Dual​-​mode​ ​5G​ ​mobile​ ​platform​ ​ដែល​មានការ​សហការ​គ្នា​ជាមួយ​​ក្រុមហ៊ុន​ ​Qualcomm​ ​ដែល​មាន​ ​Network​ ​ចំនួន ២ ​គឺ​ ​Standalone​ ​(​SA​)​ ​និង​ ​non​-​standalone​ ​(​NSA​)​។​

ម៉ូឌែលទាំង ៣ បង្កប់អង់តែនជុំវិញតួខ្លួន អាចចាប់សេវា 4G និង 5G បាន ៣៦០ ដឺក្រេ។ លើសពីនេះទៀត ម៉ូឌែល Reno 3 Pro ស្តើង និងស្លីមខ្លាំងណាស់ មានកំរាស់ត្រឹម ៧,៧ មីលីម៉ែត្រ ចំណែក Reno កំរាស់ ៧,៩ មីលីម៉ែត្រ។

រីឯលក្ខណៈសម្បត្តិពិសេសៗរបស់វាក៏បានដឹងត្រួសៗមកខ្លះដែរហើយដែលមានដូចជា៖ រចនារូបរាងមានផ្ទៃលាតពេញមួយតួខ្លួន និងមានផ្ទៃកោង បង្កប់កាមេរ៉ាមុខទម្រង់ O ស្រដៀងប្រជ្រុយដែរ។

Reno 3 Pro អាចនឹងមានបំពាក់មកជាមួយនឹងអេក្រង់ទំហំ ៦, ៥ អ៊ិញ ថ្ម 4025mAh​ មកជាមួយបច្ចេកវិទ្យា VOOC 4 charging ប្រើឈីប Qualcomm 5G (Snapdragon 765G) ចំណែកម៉ូឌែល Reno 3 ប្រើឈីប MediaTek 5G ។ ឯកាមេរ៉ាក្រោយដល់ ៦០MP ដំណើការដោយ ColorsOS7។

យោងតាមប្រភពព័ត៌មានបានបញ្ជាក់ដែរថា ស្មាតហ្វូនទាំងពីរនឹងចេញមុខផ្លូវការក្នុងកម្មវិធីនៅថ្ងៃទី ២៦ ខែធ្នូ ២០១៩ ក្នុងទីក្រុង Hangzhou ប្រទេសចិនខាងមុខនេះ៕

ទស្សនាវីដេអូទី ១ ពីល្បឿនអ៊ីនធើណិត 5G លើ Reno 3 Pro៖

ទស្សនាវីដេអូទី ២ ពីកម្លាំងថ្ម ប្រើបានច្រើនម៉ោងលើ Reno 3 Pro៖

ទស្សនាវីដេអូទី ៣ ពីកំរាស់ដ៏ស្តើងរបស់ Reno 3 Pro ត្រឹម ៧,៧ មីលីម៉ែត្រ៖

អត្តបទទាក់ទង៖

• ​OPPO​ ​នឹង​ប្រកាស​ដាក់​លក់​ស្មា​ត​ហ្វូ​ន​ ​5G​ ឆាប់ៗនេះ ក្រោយចាប់ដៃជាមួយ​ក្រុមហ៊ុន​លំដាប់ថ្នាក់​ពិភពលោក​
• អ្នកហោះទៅបាងកកឆ្នាំក្រោយ អាចប្រើអ៊ីនធឺណិតល្បឿនលឿន 5G បានហើយ