- 2019-11-18 03:08:13
- ផលិតផលថ្មី
ឡាន SUV មិនប្រើប្រេងដំបូងរបស់ Ford ចេញជាផ្លូវការ
- 2019-11-18 03:08:13
- ចំនួនមតិ 0 | ចំនួនចែករំលែក 0
ឡាន SUV មិនប្រើប្រេងដំបូងរបស់ Ford ចេញជាផ្លូវការ
ចន្លោះមិនឃើញ
ក្រោយពីបានលេចធ្លាយរូបភាពរួចមក នៅពេលនេះ Ford បានបង្ហាញចេញជាផ្លូវការនូវរថយន្ត Mustang Mach-E 2021 ដែលជារថយន្ត SUV ប្រើថាមពលអគ្គិសនីសុទ្ធដំបូងបំផុតរបស់ក្រុមហ៊ុន។
ដោយសារមានពាក្យ Mustang ហេតុនេះហើយទើបរចនាបថខ្លះៗរបស់រថយន្តមានលក្ខណៈស្រដៀងនឹងរថយន្តម៉ូដែល Mustang ប្រភេទស្ព័ររបស់ Ford។ ជាក់ស្ដែងនៅផ្នែកខាងក្រោយមានរចនាបថអំពូលខាងក្រោយរាងបញ្ឈរចំនួន ៣ ឆ្នូត។ នៅផ្នែកខាងមុខមានផ្ទាំងប៉ាណាបិទជិត អមដោយអំពូលបំភ្លឺប្រភេទ LED។
ខណៈដែលផ្នែកខាងក្រៅស្រដៀងនឹង Mustang ផ្នែកខាងមុខវិញគឺដូចជាម៉ូដែល Explorer ទៅវិញ។ នៅខាងក្នុងមានអេក្រង់បង្ហាញ និងបញ្ជាមុខងារធំមួយទំហំ ១៥,៥ អ៊ីញ ដាក់ជាលក្ខណៈបញ្ឈរ ហើយនៅពីក្រោយចង្កូតមានកុងទ័រប្រភេទឌីជីថល។
រថយន្តនេះនឹងមានចែកចេញជា ៥ ប្រភេទសម្រាប់លក់លើទីផ្សារ ដែលមានដូចជា ៖
ប្រភេទ Select តម្លៃចាប់ពី ៤៣ ៨៩៥ ដុល្លារ អាចបើកបរបានចម្ងាយប្រមាណ ៣៣៨ គ.ម ទៅ ៣៧០ គ.ម
ប្រភេទ Premium តម្លៃចាប់ពី ៥០ ៦០០ ដុល្លារ អាចបើកបរបានចម្ងាយ ៤៣៥ គ.ម ទៅ ៤៨៣ គ.ម
ប្រភេទ California Route 1 មានតម្លៃចាប់ពី ៥២ ៤០០ ដុល្លារ អាចបើកបរបានចម្ងាយប្រមាណ ៤៨៣ គ.ម
ប្រភេទ First Edition មានតម្លៃចាប់ពី ៥៩ ៩០០ ដុល្លារ អាចបើកបរបានចម្ងាយប្រមាណ ៤៣៥ គ.ម
និងប្រភេទ GT មិនទាន់ដឹងតម្លៃ អាចបើកបរបានចម្ងាយប្រមាណ ៤០២ គ.ម
គួរដឹងថាមានចំនួន ៤ ប្រភេទលើគេនឹងចេញលក់លើទីផ្សារនៅចុងឆ្នាំ ២០២០ ចំណែកឯប្រភេទ GT នឹងចេញលក់នៅអំឡុងឆ្នាំ ២០២១៕
ចុចអាន ៖ ៥ ចំណុចលើរថយន្ត អ្នកប្រើប្រាស់រាល់ថ្ងៃត្រូវដឹង
