Tim Cook ធ្លាប់ធ្វើការនៅណាខ្លះ មុនចូលទៅដឹកនាំក្រុមហ៊ុន Apple?

2018-06-07 02:09:44
ព័ត៌មាន

2018-06-07 02:09:44
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Timothy Donald Cook មានដើមកំណើតនៅទីក្រុង Alabama។ លោកបានផ្លាស់ប្តូរការងារជាច្រើនកន្លែង មុនទៅធ្វើការជាមួយ Steve Jobs និងបានឡើងទៅដឹកនាំក្រុមហ៊ុន Apple។ ចុះកាលពីអតីតកាល តើបុរសវ័យ ៥៧ ឆ្នាំធ្លាប់ធ្វើការនៅណាខ្លះ មុនប្រលូកមករួមការងារជាមួយលោក Steve Jobs?

+ការសិក្សា:

Cook បានសិក្សានៅវិទ្យាល័យ Robertsdale ក្នុងទីក្រុង Alabama ក្នុងឆ្នាំ ១៩៧៨។ លោកបានបញ្ចប់ការសិក្សាបរិញ្ញាបត្រវិទ្យាសាស្ត្រជំនាញវិស្វកម្មឧស្សាហកម្មនៅសាកលវិទ្យាល័យ Auburn ក្នុងឆ្នាំ ១៩៨២ និងបានបន្តការសិក្សានៅសកលវិទ្យាល័យ Duke ដោយទទួលបានសញ្ញាប័ត្រអនុបណ្ឌិតផ្នែកគ្រប់គ្រងពាណិជ្ជកម្មនាឆ្នាំ ១៩៨៨។

+អាជីពមុនចូលបម្រើការឲ្យ Apple:

Cook បានធ្វើការឲ្យក្រុមហ៊ុន IBM រយៈពេល ១២ ឆ្នាំ និងបានទៅធ្វើជាអគ្គនាយកក្រុមហ៊ុន North American Fulfillment មុនចាកចេញទៅចាប់តំណែង COO នៅក្រុមហ៊ុន Intelligent Electronics ក្នុងឆ្នាំ ១៩៩៤ ដោយនៅទីនោះបានប្រហែល ៣ ឆ្នាំ។ មិនដល់ ១ ឆ្នាំពេញ ចន្លោះឆ្នាំ ១៩៩៧-៩៨ មិត្តជិតស្និទ្ធរបស់លោក Steve Jobs រូបនេះ បានផ្លាស់ទៅធ្វើការឲ្យក្រុមហ៊ុន Compaq Computer Corporation តួនាទីជាអនុប្រធានផ្នែកសាជីវកម្ម។

+ការមកកាន់ការងារនៅ Apple

ក្នុងឆ្នាំ ១៩៩៨ Cook បានបោះជំហានការងារនៅក្រុមហ៊ុន Apple ក្នុងតួនាទីជាអនុប្រធានជាន់ខ្ពស់ផ្នែកប្រតិបត្តិ។ ពីឆ្នាំ ២០០២ ដល់ ២០០៥ កាន់តំណែងជាអនុប្រធានប្រតិបត្តិផ្នែកលក់ទីផ្សារសាកល ពី ២០០៥ ដល់ ២០១១ ជា COO និងនៅថ្ងៃ ២៤ សីហា ២០១១ បានឡើងជាប្រធានប្រតិបត្តិ CEO របស់ Apple៕