- 2020-03-25 06:48:26
- ព័ត៌មាន
YouTube សម្រេចទម្លាក់កម្រិតវីដេអូអ្នកទស្សនាទូទាំងសកលលោកមកត្រឹម 480p
- 2020-03-25 06:48:26
- ចំនួនមតិ 0 | ចំនួនចែករំលែក 0
YouTube សម្រេចទម្លាក់កម្រិតវីដេអូអ្នកទស្សនាទូទាំងសកលលោកមកត្រឹម 480p
ចន្លោះមិនឃើញ
ចាប់ពីពេលនេះតទៅ រហូតដល់រយៈពេល ១ ខែពេញ YouTube បានសម្រេចគោលការណ៍ថ្មី ក្នុងការទម្លាក់ដោយស្វ័យប្រវត្តិនូវកម្រិតគុណភាពវីដេអូដែលអ្នកចុចទស្សនាមកត្រឹមកម្រិត SD (Standard definition) ឬ 480p វិញ ហើយការអនុវត្តនេះធ្វើឡើងលើអ្នកប្រើប្រាស់ទូទាំងសកលលោក។
ជាដំណោះស្រាយឆ្លើយតបទៅនឹងកំណើនអ្នកបុកចូលទស្សនាច្រើនលើសលប់ ក្នុងអំឡុងពេលផ្ទុះការរាតត្បាតនៃវីរុស COVID-19 ដែលញាំងឲ្យមនុស្សជាច្រើនទម្លាប់ចំណាយពេលនៅផ្ទះពេញមួយថ្ងៃៗ។
ដើម្បីរាំងស្ទះភាពយឺតយ៉ាវនៃប្រព័ន្ធដំណើរការរួម YouTube ដែលជាក្រុមហ៊ុនស្ថិតក្រោមទ្រនំមេ Google បានសម្រេចទម្លាក់កម្រិតស្វ័យប្រវត្តិត្រឹម 480p គ្រប់វីដេអូទាំងអស់ដែលអ្នកបានចុចទស្សនា មិនថាអ្នកកំពុងប្រើប្រាស់ប្រព័ន្ធអ៊ីនធឺណិតល្បឿនលឿនបែបណាក៏ដោយ។
ការធ្វើបែបនេះ YouTube ជឿថានឹងមិនមានមនុស្សច្រើននោះទេ ដែលសម្រេចទៅផ្លាស់ប្តូរកម្រិតទស្សនាថ្មី ពោលនឹងបន្តទស្សនាកម្រិត 480p នោះដដែល។
យ៉ាងណាមិញអ្នកប្រើប្រាស់ក៏នៅតែអាចធ្វើការបន្ថែមកម្រិតគុណភាពវីដេអូបាន ដោយផ្លាស់ប្ដូរ Resolution ក្នុង Settings នៃវីដេអូនីមួយៗដូចការអនុវត្តកន្លងមកជាធម្មតា៕
អានអត្ថបទ: