ជាធម្មតា យើងតែងតែមានក្តីស្រមៃ និង​មហិច្ឆតា​រៀងៗខ្លួន ហើយក៏ខិតខំប្រឹងប្រែង ពុះពាររាល់ឧបសគ្គដើម្បីទទួលបានភាពជោគជ័យ។ ដើម្បីក្លាយជាបុគ្គលខ្លាំងពូកែ លេចធ្លោ និង ជោគជ័យម្នាក់បាន ទាមទារឲ្យមាន គោលដៅ ការប្តេជ្ញាចិត្តខ្ពស់ រួមផ្សំជាមួយនឹងទេពកោសល្យ ឧបនិស្ស័យ គំនិតច្នៃ ភាពប៉ិនប្រសប់ ដេញទាន់កាលៈទេសៈ​សម័យកាល និងចាប់យកនូវបទពិសោធន៍ល្អ ៗពីអ្នកដទៃ។ ប្រិយមិត្តអ្នក អាចរង់ចាំតាមដានទស្សនានូវ​វីដេអូ​លាត​ត្រដាង​ចក្ខុវិស័យ​បុគ្គលលេចធ្លោ​ ក្នុងវិស័យបច្ចេកវិទ្យា កីឡា និង ជំនួញ ដែលនឹងចាក់ផ្សាយក្នុងពេលឆាប់ៗនេះ លើទំព័រហ្វេសប៊ុក និង YouTube ផ្លូវការក្រុមហ៊ុន OPPO ដើម្បីជាគន្លឹះសម្រាប់យកទៅសិក្សា ពិចារណា ឬយកគំរូតាម។

បន្ទាប់ពីបានទស្សនានូវឈុតខ្លីៗ នៃវីដេអូលាតត្រដាងចក្ខុវិស័យ ប្រិយមិត្តប្រហែលជាអាចចាប់អារម្មណ៍ខ្សែជីវិត និងការពិតពីក្រោយនៃភាពជោគជ័យរបស់ លោក ជី សិលា ស្ថាបនិកក្រុមហ៊ុន Sabay កញ្ញា ស៊ន សៀវមី កីឡាការិនីឆ្នើមតៃក្វាន់ដូ លោក ចន សី ស្ថាបនិក Cambo Report និង កញ្ញា ស៊ូ មុនីពេជ្រស្ថាបនិក និងនាយកប្រតិបត្តិក្រុមហ៊ុន ធ្យូប កាហ្វេ ជាក់ជាមិនខានឡើយ។ ដូច្នេះដើម្បីស្រាយចម្ងល់ និងស្វែងយល់លម្អិតពីពួកគាត់មានតែរង់ចាំទស្សនាវីដេអូទាំងមូលទំាងអស់គ្នា ក្នុងពេលឆាប់ៗនេះ នៅក្នុងហ្វេសបុកផេកផ្លូវការរបស់ OPPO។

លោក រីន ពេជ្រមុនី ប្រធានគ្រប់គ្រងផលិតផលទូរសព្ទវៃឆ្លាតលំដាប់កំពូល OPPO Find X2 Pro បានឲ្យដឹងថា ការ​ដែលក្រុមហ៊ុន OPPO បានសម្រិតសម្រាងផលិតនូវវីដេអូលាតត្រដាងចក្ខុវិស័យរបស់បុគ្គលពូកែៗនេះឡើង ក្នុងគោលបំណងចែករំលែកនូវបទពិសោធល្អៗ គន្លឹះពិសេសៗ ដោះស្រាយបញ្ហាចំពោះមុខ ការអត់ធ្មត់ ការរុករក ច្នៃប្រឌិត និងការចេះយល់កាលៈទេសៈ ផ្សារភ្ជាប់ជីវិតទៅនឹងបច្ចេកវិទ្យាថ្មីៗ ទំនើបៗ ដូចជាទូរសព្ទលំដាប់កំពូល Find X2 Pro ជាដើម។

OPPO Find X2 Pro （តម្លៃ $1299） ជាស្មាតហ្វូនលំដាប់កំពូលតំណាងឲ្យការរុករកនិងច្នៃប្រឌិតថ្មី មានអេក្រង់កោងលាតគ្មានគែម ល្បឿន Refresh Rate កម្រិតកំពូល120ហឺតរលូនឥតទាក់ និង កម្រិតបង្ហាញកំពូលច្បាស់ QHD+(3K) Dynamic AMOLED ជាមួយពណ៌ធម្មជាតិរស់រវើក ១ពាន់លានពណ៌ ដែលនឹងផ្តល់នូវបទពិសោធន៍ និងបដិវត្តន៍ថ្មីសម្រាប់ការទស្សនាជាមួយពណ៌ត្រជាក់ភ្នែក រលូន ភ្លឺច្បាស់ល្អ និងមានផាសុកភាព។

ជាពិសេសក៏មានបំពាក់មកជាមួយនឹង បន្ទះឈីប 5G លំដាប់កំពូល Snapdragon 865 អមដោយ RAM យក្ស 12GB ប្រភេទ LPDDR5 និងអង្គផ្ទុកទិន្នន័យខាងក្នុងទូរសព្ទផ្ទាល់ 512GB ប្រភេទ UFS3.0 ជាមួយប្រព័ន្ធប្រតិបត្តិជំនាន់ថ្មី ស្អាតបំផុត ColorOS 7.1 (ដំណើរការលើ Android 10) ភ្ជាប់មកជាមួយនឹងមុខងារតន្ត្រីបន្ធូរអារម្មណ៍ OPPO Relax និង កម្មវិធីកែសម្រួលវីដេអូ Soloop 2.0 មានថាមពលថ្ម 4260mAh ជាមួយនឹងបច្ចេកវិទ្យាសាកថ្មលឿន 65W SuperVOOC2.0 (សាកថ្ម15នាទី បានថាមពល 60%)។ ជាពិសេសមានបច្ចេកវិទ្យាការពារទឹក IP68 មុខងារស្កេនក្រយៅដៃលើអេក្រង់សុវត្ថិភាពបំផុត, Wi-Fi ជំនាន់ទី6 ទាញល្បឿន​អ៊ីនធឺណិត​លឿនជាងគេ និង បច្ចេកវិទ្យា Dolby Atmos សម្លេងបែប Stereo ពិរោះរណ្តំចិត្ត៕