- 2020-02-24 09:32:35
- ព័ត៌មាន
Honda យកម៉ូតូអូតូ ADV 150 លក់នៅអាមេរិក
- 2020-02-24 09:32:35
- ចំនួនមតិ 0 | ចំនួនចែករំលែក 0
Honda យកម៉ូតូអូតូ ADV 150 លក់នៅអាមេរិក
ចន្លោះមិនឃើញ
ថ្មីៗនេះគណៈកម្មការត្រួតពិនិត្យ California Air Resources Board (ហៅកាត់ CARB) បានបញ្ចេញលិខិតបញ្ជាក់អំពីការត្រូវនឹងកម្រិតឧស្ម័នស្តង់ដារ សម្រាប់ម៉ូតូ Honda ADV 150 ដែលនឹងចាប់ផ្ដើមអនុវត្តន៍ចាប់ពីឆ្នាំក្រោយ។
នេះអាចបញ្ជាក់បានច្បាស់ថាម៉ូតូកម្លាំង ១៥០ សេសេ សម្រាប់បើកលើផ្លូវពិបាកមួយនេះ នឹងត្រូវដាក់លក់នៅអាមេរិក។ ព័ត៌មានលម្អិតនៃមុខងារពិសេស និងសម្ភារៈបំពាក់លេងជាមួយម៉ូតូ ADV 150 ឆ្នាំ ២០២១ នឹងត្រូវប្រកាសដោយ Honda USA ពេលវាចេញលក់ជាផ្លូវការ។
Honda ADV 150 គឺប្រភេទតូចនៃម៉ូតូ X-ADV ដែលមានកម្លាំងដល់ ៧៥០ សេសេ។ ម៉ាស៊ីន ១៥០ សេសេរបស់ ADV 150 អាចបង្កើតកម្លាំងបាន ១៤,៣ សេះ មានប្រព័ន្ធបញ្ចុះកម្ដៅដោយទឹក និងប្រព័ន្ធប៊ិចផងដែរ។ នៅពេលលក់នៅអាមេរិក លក្ខណៈសម្បត្តិនៃម៉ាស៊ីនអាចនឹងមិនប្រែប្រួលឡើយ ប៉ុន្តែមុខងារ Idling Stop System ទំនងជាត្រូវដកចេញ ដោយសារហេតុផលបច្ចេកទេស៕