- 2020-02-21 06:10:42
- ព័ត៌មាន
ដើរបាន ១០ ឆ្នាំ ទីបំផុតគេហទំព័រ Sony Mobile ត្រូវបានលុបចោលជាផ្លូវការហើយ
- 2020-02-21 06:10:42
- ចំនួនមតិ 0 | ចំនួនចែករំលែក 0
ដើរបាន ១០ ឆ្នាំ ទីបំផុតគេហទំព័រ Sony Mobile ត្រូវបានលុបចោលជាផ្លូវការហើយ
ចន្លោះមិនឃើញ
ទន្ទឹមនឹងបរាជ័យក្នុងវិស័យឧស្សាហកម្មស្មាតហ្វូន ទីបំផុតក្រុមហ៊ុន Sony បានសម្រេចបិទគេហទំព័រផ្លូវការ Sony Mobile ចោលហើយ។
SonyMobile.com បានបង្កើតឡើងតាំងពី ១០ ឆ្នាំមុនមកម្ល៉េះ ដែលជាគេហទំព័រផ្តោតលើការបង្ហាញព័ត៌មាននិងលក់ទូរសព្ទរបស់ Sony។ បច្ចុប្បន្នប្រសិនអ្នកចូលទៅកាន់អាសយដ្ឋាននៃតំណភ្ជាប់មួយនោះ វានឹងផ្លាស់ប្តូរស្វ័យប្រវត្តិចូលទៅកាន់គេហទំព័រ Sony.com វិញ ហើយអ្នកប្រើប្រាស់អាចឆែកមើលផ្នែក Mobile លើទីតាំង Electronics ផ្នែកខាងលើបង្អស់។
គួរបញ្ជាក់ថានាត្រីមាសទី ៤ ឆ្នាំទៅ Sony លក់ចេញស្មាតហ្វូនបានត្រឹម ១,៣ លានគ្រឿងគត់ ហើយតួលេខនេះត្រូវបានគេប៉ាន់ប្រមាណថានឹងមានការធ្លាក់ចុះជាបន្តបន្ទាប់ទៀត។ នេះបើតាមរបាយការណ៍ពីគេហទំព័រ PhoneArena។
ស្មាតហ្វូនសេរ៊ីចុងក្រោយបង្អស់របស់ Sony គឺបានបង្ហាញខ្លួនកាលពីថ្ងៃទី ២០ កុម្ភៈ ឆ្នាំ ២០២០ កន្លងទៅ ដែលជាស្មាតហ្វូនមានអេក្រង់រាងដំណក់ទឹកដំបូងបង្អស់របស់ខ្លួន។ បំពាក់នូវបន្ទះឈីប MediaTek Helio P22 មាន RAM 3GB និង ROM 64GB អមថាមពលថ្ម ៣ ៥៨០mAh៕
អានអត្ថបទ:
