- 2020-01-29 07:49:55
- ព័ត៌មាន
iOS 13 ចេញជំនាន់ថ្មី ដោះស្រាយបញ្ហាអ្នកកាន់ iPhone 11 ជួបប្រទះរាប់ខែ
- 2020-01-29 07:49:55
- ចំនួនមតិ 0 | ចំនួនចែករំលែក 0
iOS 13 ចេញជំនាន់ថ្មី ដោះស្រាយបញ្ហាអ្នកកាន់ iPhone 11 ជួបប្រទះរាប់ខែ
ចន្លោះមិនឃើញ
នៅថ្ងៃនេះ Apple បានបញ្ចេញកំណែទម្រង់ iOS 13.3.1 និង iPadOS 13.3.1 សម្រាប់ iPhone និង iPad ដែលមានដោះស្រាយបញ្ហាចម្បងមួយទាក់ទងនឹងការចាប់ទីតាំងអ្នកប្រើ ដែលមានតាំងពីខែកញ្ញាមកម្ល៉េះ។
កាលពីខែធ្នូ មានការបង្ហាញថា iPhone 11, iPhone 11 Pro និង iPhone 11 Pro Max នៅតែចាប់ទីតាំងអ្នកប្រើប្រាស់ ទោះបីជាមុខងារចាប់ទីតាំងត្រូវបានចុចបិទក៏ដោយក្ដី។ នេះក៏ដោយសារតែឈីប U1 Ultra Wideband ថ្មី ត្រូវផ្អាកដំណើរការនៅទីតាំងមួយចំនួនព្រោះការទាមទាររបស់និយតករអន្តរជាតិ។
នៅពេលនោះ Apple ទទូចថាទិន្នន័យអំពីទីតាំងដែលប្រមូលបានគឺរក្សាទុកលើឧបករណ៍រៀងៗខ្លួនរបស់អ្នកប្រើប្រាស់ ដោយក្រុមហ៊ុនមិនបានរក្សាទុកនោះទេ។ យ៉ាងណាក្ដី Apple បានបញ្ចេញ iOS 13.3.1 ដោយអ្នកប្រើ iPhone ជំនាន់ចុងក្រោយ អាចបញ្ជាការប្រើប្រាស់សេវាកម្មទីតាំង (Location Services) តាមរយៈឈីប U1 Ultra Wideband បាន។
អ្នកប្រើប្រាស់ iPhone ជំនាន់ចុងក្រោយ អាចចូលទៅកាន់ Settings → Privacy → Location Services និងចុចលើ Networking & Wireless ដើម្បីធ្វើការបញ្ជា៕