- 2020-01-21 06:58:57
- ព័ត៌មាន
មើលតម្លៃ RAV4 ឆ្នាំ ២០២០ រូបរាងថ្មី ទើបដាក់លក់នៅសិង្ហបុរី
- 2020-01-21 06:58:57
- ចំនួនមតិ 0 | ចំនួនចែករំលែក 0
មើលតម្លៃ RAV4 ឆ្នាំ ២០២០ រូបរាងថ្មី ទើបដាក់លក់នៅសិង្ហបុរី
ចន្លោះមិនឃើញ
ក្នុងកម្មវិធីតាំងបង្ហាញរថយន្ត Singapore Motor Show ក្រុមហ៊ុនជប៉ុន Toyota បាននាំយករថយន្ត RAV4 ស៊េរីឆ្នាំ ២០២០ មកតាំងបង្ហាញ ដែលនឹងត្រូវដាក់លក់ជាផ្លូវការក្នុងប្រទេសសិង្ហបុរី។
ចំពោះប្រភេទដែលលក់នៅសិង្ហបុរីគឺប្រើប្រាស់ម៉ាស៊ីន ៤ ស៊ីឡាំង ចំណុះ ២,០ លីត្រ ដែលមានកម្លាំង ១៧០ សេះ ភ្ជាប់នឹងប្រព័ន្ធបើកបរវិលកង់មុខ ជាមួយតម្លៃប្រមាណ ៩៨ ០០០ ដុល្លារ។
គួរដឹងថា RAV4 ស៊េរីឆ្នាំ ២០២០ គឺជាជំនាន់ទី ៥ នៃត្រកូល RAV4 ដែលវាមានការផ្លាស់ប្ដូររូបរាងថ្មីទាំងស្រុង។ រថយន្ត RAV4 ថ្មីគឺផលិតឡើងលើគ្រោងឆ្អឹង TNGA ថ្មីរបស់ Toyota ដែលធ្វើឲ្យផ្នែកខាងក្នុងធំទូលាយ មានទម្ងន់ស្រាល និងរឹងមាំជាងគ្រោងឆ្អឹងដែលប្រើប្រាស់ពីមុន។
ទាក់ទងនឹងផ្នែកសុវត្ថិភាព Toyota និយាយថា RAV4 ឆ្នាំ ២០២០ មានភ្ជាប់ជាមួយបច្ចេកវិទ្យាជាច្រើនដូចជាប្រព័ន្ធទប់លំនឹងបែបអេឡិចត្រូនិក, ប្រព័ន្ធទប់មិនឲ្យរថយន្តរអិល និងមានកញ្ចប់សុវត្ថិភាព Toyota Safety Sense ដែលមានមុខងារសុវត្ថិភាព និងជំនួយដល់ការបើកបរជាច្រើន៕