- 2020-01-20 01:52:36
- ព័ត៌មាន
ថតបានរូបរាង Toyota Fortuner ជំនាន់ថ្មីឆ្នាំ ២០២១ រត់លើដងផ្លូវ
- 2020-01-20 01:52:36
- ចំនួនមតិ 0 | ចំនួនចែករំលែក 0
ថតបានរូបរាង Toyota Fortuner ជំនាន់ថ្មីឆ្នាំ ២០២១ រត់លើដងផ្លូវ
ចន្លោះមិនឃើញ
រថយន្ត Toyota Fortuner ជំនាន់ថ្មី ដែលមានការផ្លាស់ប្ដូររចនាបថរូបរាងថ្មីត្រូវបានគេប្រទះឃើញរត់សាកល្បងនៅលើដងផ្លូវ ដែលវាមកជំនួសរូបរាងបច្ចុប្បន្នចេញតាំងពីឆ្នាំ ២០១៥។ រថយន្តជំនាន់ថ្មីនេះអាចចេញលក់លើទីផ្សារត្រឹមដំណាច់ឆ្នាំ ២០២០ និងលក់ជាស៊េរី ២០២១។
តាមការចុះផ្សាយរបស់ Autocar India បានអះអាងថា Fortuner ថ្មីនេះអាចនឹងមានបំពាក់រន្ធខ្យល់ថ្មី, កាងមុខថ្មី, មានរូបរាងកាន់តែដូចបែបស្ព័រ ស្រដៀងនឹងរថយន្ត RAV4 ដែលលក់ដាច់ខ្លាំងនៅអាមេរិក។ អំពូលមុខក្រោយអាចមានការផ្លាស់ប្ដូរបន្តិចបន្តួច ប៉ុន្តែទ្រង់ទ្រាយរថយន្តនឹងមិនប្ដូរច្រើនឡើយ។
ម៉ាស៊ីន Fortuner ថ្មីក៏ទំនងជាមិនប្រែប្រួលដែរ។ ម៉ាស៊ីនអាចខុសគ្នាតាមទីផ្សារ ដោយអាចមានជម្រើសម៉ាស៊ីន ២,៧ លីត្រ ជម្រើស ៤ លីត្រ ឬ ២,៤ លីត្រ ឬជម្រើស ២,៨ លីត្រ និង ៣ លីត្រដែលជាប្រភេទម៉ាស៊ូត៕