៦ ចំណុចនេះបញ្ចាក់ថា Mate 30 Pro ខ្លាំងនិងអស្ចារ្យលើសពីស្មាតហ្វូន

2019-12-13 02:14:16
ព័ត៌មាន

2019-12-13 02:14:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយបច្ចេកវិទ្យាថ្មីៗ រួមទាំងលក្ខណៈជាច្រើនដែលធ្វើឲ្យអធិរាជស្មាតហ្វូនកាមេរ៉ា Mate 30 Pro លក់អស់ពីស្តុកត្រឹមរយៈពេលដ៏ខ្លីក្នុងប្រទេសកម្ពុជា ទោះបីជាមិនមានសេវាកម្ម Google ក៏ដោយ។ ក្រុមហ៊ុនស្មាតហ្វូនយក្សនេះបានយកចិត្តទុកដាក់ជាខ្លាំងលើការអភិវឌ្ឍបច្ចេកវិទ្យារបស់ខ្លួនដោយផ្តោតទៅលើតម្រូវការអ្នកប្រើប្រាស់។ ទាំងនេះជាលក្ខណៈពិសេស និងបច្ចេកវិទ្យាថ្មីៗដែល Huawei បានបំពាក់លើ Huawei Mate30 Pro ៖

១. អេក្រង់បែបទឹកធ្លាក់៖

ពិតប្រាកដណាស់ទូរសព្ទកាន់តែទំនើបក៏តម្រូវឲ្យមានអេក្រង់ល្អដែរ ដូចនេះបងធំត្រកូល Mate មកជាមួយនឹងអេក្រង់ទឹកធ្លាក់ (Huawei Horizon Display) កញ្ចក់ប្រភេទ OLED បន្ថែមដោយបច្ចេកវិទ្យា DCI-P3 ជំនួយពណ៌ និងពន្លឺ និងក្រោមស្រទាប់អេក្រង់មានបង្កប់បច្ចេកវិទ្យាបញ្ចេញសម្លេង Acoustic Sound Display។

២. បន្ទះឈីប Kirin 990៖

Mate 30 Pro ជាស្មាតហ្វូនដែលមានល្បឿនលឿន ដោយបន្ទះឈីបកំពូល Kirin 990 ដំណើរការរហ័សបំផុត CPU 8 core (2 x 2.86Ghz, 2 x 2.09Ghz, 4 x 1.86Ghz), ក្រាហ្វិកកម្រិតខ្ពស់ GPU Mali-G76 x 16 cores, និងឈីប Da Vinci NPU ជំនួយលើបច្ចេកវិទ្យា AI កម្រិតខ្ពស់ ព្រមទាំងបច្ចេកវិទ្យារក្សាភាពត្រជាក់ (SuperCool Cooling System)។

៣. បច្ចេកវិទ្យា Air Guestures៖

ស្មាតហ្វូនកំពូលនេះបានបំពាក់បច្ចេកវិទ្យាប្រើប្រាស់ដោយកាយវិការ (Air Grabshot & Air Guestures) ដោយគ្រាន់តែលារួចក្ដាប់ដៃពីមុខ Mate 30 Pro ដើម្បី Screenshot, បក់ដៃចុះឬឡើង ដើម្បីអូសផ្ទាំងបង្ហាញពីអេក្រង់ចុះក្រោម ឬឡើងលើ, បច្ចេកវិទ្យា Virtual Side Touch Edge កំណត់ប៊ូតុង L និង R នៅចំហៀងអេក្រង់ដើម្បីជំនួយដល់ការបញ្ជាពេលលេងហ្គេម។

៤. ពិន្ទុដាច់គេនៅលើ DxOMark៖

Mate 30 Pro ជាស្មាតហ្វូនកាមេរ៉ាចំណាត់ថ្នាក់លេខ ១ ពី DxOMark មកជាមួយកាមេរ៉ាក្រោយ Leica ៤ គ្រាប់, ប្លង់ទូទៅ (SuperSensing Camera) ទំហំ ៤០MP f/1.6, ប្លង់ទូលាយ (Cine Camera) ទំហំ ៤០ MP f/1.8, ប្លង់ពង្រីកទំហំ ៨MP (Telephoto Camera), និង ប្លង់ព្រាល 3D TOF Camera។ Huawei បានបំពាក់សេនស័រកាមេរ៉ាថ្មី RYYB ទំហំ 1/1.7” ថតរូបច្បាស់ និង លម្អិតទោះបីនៅទីតាំងដែលមានពន្លឺតិច ឬពេលយប់ និង ISO កម្រិតខ្ពស់ ៤០៩ ៦០០ កាន់តែអស្ចារ្យ Cine Camera ថតវីដេអូកម្រិត 4K, 4K Time-lapse, Slow-motion កម្រិត 7680fps, ISO កម្រិត ៥១ ២០០។

៥. ថាមពលថ្ម៖

ថ្មជាលក្ខណៈចម្បងមួយផ្នែកទៀតសំរាប់ការប្រើប្រាស់ប្រចាំថ្ងៃ។ ថាមពលថ្មទំហំ ៤៥០០ mAh ជាមួយនឹងបច្ចេកវិទ្យា HUAWEI 40W SuperCharge Technology សាកថ្មត្រឹមតែ ៣០ នាទី កើនថាមពលដល់ ៧០% និង បច្ចេកវិទ្យាសាកថ្មឥតខ្សែ 27W Wireless Charging។

៦. Huawei Mobile Service (HMS)៖

កំពូលក្រុមហ៊ុនស្មាតហ្វូនលំដាប់លេខ ២ នេះមិនបង្អង់ការអភិវឌ្ឍបច្ចេកវិទ្យារបស់ខ្លួននោះទេជាពិសេសគឺ Huawei Mobile Service (HMS) ដែលកំពុងប្រើប្រាស់ជំនួសសេវាកម្មរបស់ Google និង Play Store ដោយប្រើជំនួសវិញដោយ AppGallery ដូច្នេះកម្មវិធី និង ហ្គេមជាច្រើនទៀតនឹងត្រូវដាក់បញ្ចូលក្នុង AppGallery នាពេលដ៏ខ្លីខាងមុខនេះ៕