ផ្ទុះរឿង Unbox Therapy លួចចម្លងការឌីហ្សាញសម្បកទូរសព្ទរបស់ក្រុមហ៊ុនផ្សេង

2019-12-09 02:02:44
ព័ត៌មាន

2019-12-09 02:02:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃដើមខែធ្នូ គណនី YouTube ដ៏ធំមួយដែលមានបង្កើតមាតិកាទាក់ទងនឹងបច្ចេកវិទ្យា ឈ្មោះ Unbox Therapy បានបញ្ចេញនូវសម្បកទូរសព្ទថ្មីដំបូងរបស់ខ្លួន ដែលមានឈ្មោះថា Latercase។

ក្រោយពីការបញ្ចេញសម្បក Latercase នេះភ្លាម Unbox Therapy ត្រូវបានគេចោទប្រកាន់ថាលួចចម្លងការឌីហ្សាញរបស់ក្រុម PITAKA។ ការចោទប្រកាន់នេះបានផ្ទុះកក្រើកឡើង ដោយវីដេអូមួយចំនួនរបស់ Unbox Therapy ត្រូវម្ចាស់ Channel លាក់បាំង (ដាក់ជា Private) ដែលវីដេអូទាំងនេះ ត្រូវបានគេជឿជាក់ថាជាវីដេអូ Review លើសម្បកការពាររបស់ក្រុមហ៊ុន PITAKA។

សម្បក Latecase

PITAKA

លោក James Zheng ដែលជានាយកប្រតិបត្តិ PITAKA និយាយថាលោក និងក្រុមហ៊ុនចង់បានការសុំទោសពី Unbox Therapy ចំពោះករណីមួយនេះ។

Jon Prosser ដែលជាពិធីករនៃ Front Page Tech បានស្រាវជ្រាវមើលលើចំណុចខុសប្លែកនៃសម្បកការពារទាំងពីរ ហើយរកឃើញថាសម្បក Latercase និងសម្បក PITAKA គឺមានភាពខុសគ្នាតិច តិចខ្លាំងមែនទែន។

Prosser រកឃើញទៀតថានៅថ្ងៃដែល Unbox Therapy បញ្ចេញសម្បក Latercase វីដេអូដែលមានអ្នកទស្សនា ៤,៥ លានដង របស់ Channel នេះត្រូវបានលុបចេញ។ នេះបើផ្អែកតាមតួលេខបានពី SocialBlade។

នេះមានន័យថាមុនការចេញ ឬនៅថ្ងៃចេញ Latercase គណនី Unbox Therapy បានលុប ឬកំណត់វីដេអូមួយ ឬលើសពីរមួយរបស់ខ្លួន ទៅជា Private។ ការស៊ើបអង្កេតបន្តទៀតពី Prosser បង្ហាញថាវីដេអូ ១ ក្នុងចំណោម ២ ដែលបានដាក់ជា Private គឺមាននិយាយអំពីសម្បក PITAKA។

វីដេអូដែលមានចំណងជើង “What “They” say about PITAKA Phone Case” គឺមានបញ្ចូលនូវប្លង់ដែល Lew (ឈ្មោះម្ចាស់ Channel Unbox Therapy) កាន់សម្បក PITAKA។ វីដេអូនេះគឺមាននៅលើទំព័រ Facebook របស់ PITAKA។

យ៉ាងណាក្ដីក្រោយផ្ទុះរឿងចម្រូងចម្រាសនេះ Unbox Therapy បានចាត់វិធានការ Claim Copyright នៃវីដេអូដែលមានលើ Channel YouTube របស់ PITAKA ហើយវីដេអូលើ Facebook របស់ PITAKA ក៏លែងមានទៀតដែរ។

Lew បានឆ្លើយតបនឹងរឿងចម្រូងចម្រាសនេះលើ YouTube និងលើ Twitter ដោយអះអាងថាខ្លួនបានសហការជាមួយរោងចក្រដើម្បីបង្កើតសម្បកការពារ Latercase។ រូបគេបន្ថែមថាការដាក់វីដេអូអំពីសម្បកការពារ PITAKA ជា Private និង Claim Copyright ក៏ដោយសារក្រុមហ៊ុន PITAKA បានប្រើប្រាស់វីដេអូរបស់ខ្លួនដើម្បីផ្សព្វផ្សាយដោយគ្មានការអនុញ្ញាត។

Lew អះអាងថា បានធ្វើការពិភាក្សាជាឯកជនជាមួយ PITAKA អំពីការសហការ ប៉ុន្តែមិនបានកើតមានជាលទ្ធផល ដោយសារ PITAKA មិនចាប់អារម្មណ៍ក្នុងការសហការ។ យ៉ាងណាក្ដីនាយកប្រតិបត្តិ PITAKA និយាយថា Lew មិនធ្លាប់បានទំនាក់ទំនងទៅនោះទេ និងអះអាងថា Lew កំពុងនិយាយកុហកដល់ Subscriber ចំនួន ១៥ លាននាក់របស់ខ្លួន។