- 2019-10-17 04:02:10
- ព័ត៌មាន
កម្មវិធី SALA ត្រូវបានជ្រើសរើសតំណាងកម្ពុជាទៅប្រកួតយករង្វាន់ ១លានដុល្លារ
- 2019-10-17 04:02:10
- ចំនួនមតិ 0 | ចំនួនចែករំលែក 0
កម្មវិធី SALA ត្រូវបានជ្រើសរើសតំណាងកម្ពុជាទៅប្រកួតយករង្វាន់ ១លានដុល្លារ
ចន្លោះមិនឃើញ
កម្មវិធី Smart Tech Talks & Seedstars Pitch បានជ្រើសរើសក្រុមហ៊ុន Sala ជាអាជីវកម្មបង្កើតថ្មីចាប់អារម្មណ៍ជាងគេ ហើយជាក្រុមហ៊ុនតំណាងប្រទេសកម្ពុជានៅកិច្ចប្រជុំ Seedstar Asia នៅខែវិច្ឆិកាខាងមុខនេះ។ SALA អាចទទួលបានប្រាក់មូលនិធិរហូតដល់ទៅមួយលានដុល្លារបើសិនឈ្នះពានរង្វាន់នៅកិច្ចប្រជុំអាស៊ី និងសកល របស់ Seedstars។
ក្រុមហ៊ុន Sala គឺនៅក្នុងចំណោមក្រុមហ៊ុន ៨ ចុងក្រោយដែលត្រូវបង្ហាញគំនិតអាជីរក្មឌីជីថលរបស់ពួកគេចំពោះមុខគណៈកម្មការវិនិច្ឆ័យក្នុងតំបន់ និងអន្តរជាតិកាលពីថ្ងៃទី១៣ ខែតុលា ឆ្នាំ២០១៩ នៅវិទ្យាស្ថានបច្ចេកវិទ្យាកម្ពុជា។ SALA គឺជាកម្មវិធីគ្រប់គ្រងសាលារៀន ដែលបង្កើតឡើងសម្រាប់កម្រិតចាប់ពីមត្តេយ្យរហូតដល់ថ្នាក់ទី១២ និងសកលវិទ្យាល័យ រួមជាមួយកម្មវិធីផ្សែងៗទៀតដូចជា ការគ្រប់គ្រងសិស្ស ធនធានមនុស្ស ការបង់ប្រាក់ និងរដ្ឋបាលសាលារៀន។
ស្ថាបនិក និងនាយកប្រត្តិបត្តិក្រុមហ៊ុន SALA លោក សុខ លាភ បានមានប្រសាសន៍ថា៖ «ក្រោយពីភាពជោគជ័យរបស់ក្រុមហ៊ុន Joonaak Delivery និងបទពិសោធជាច្រើនដែលពួកគេទទួលបានកាលពីឆ្នាំមុនខ្ញុំសង្ឃឹមថាយើងនឹងមិនត្រឹមតែធ្វើឲ្យកម្ពុជាមានមោទនភាពប៉ុណ្ណោះទេប៉ុន្តែយើងក៏អាចទាញយកផលប្រយោជន៍ពីបណ្តាញទំនាក់ទំនងផ្សេងៗ ក៏ដូចជាឱកាសវិនិយោគនានា ដែលត្រូវបានផ្តល់មកឲ្យយើង អំឡុងពេលនៃកិច្ចប្រជុំក្នុងតំបន់ និងពិភពលោក ផងដែរ»។
នៅក្នុងកម្មវិធីនេះក៏មានការថ្លែងសុន្ទរកថាពីវាគ្មិនអន្តរជាតិមកពី Amazon Grab និង Lederonomics ដែលពួកគេបង្ហាញយ៉ាងខ្លាំងចំពោះអ្នកចូលរួម។ នៅពេលល្ងាចថ្ងៃអាទិត្យ ក្រុមហ៊ុន Smart Axiata, Beenext Capital, Kid Hero បានធ្វើការបំភ្លឺឲ្យច្បាស់អំពីចំណុចសំខាន់ៗលើអាជីរកម្មបង្កើតថ្មី ទៅសាធារណៈជន។
ក្រៅពីកម្មវិធី Smart Tech Talk & Smart Pitch នេះ ក៏មានកម្មវិធី Seedstars Lean Lauchpad កើតឡើងផងដែរ។ កម្មវិធីនេះធ្វើដើម្បីជម្រុញទឹកចិត្តឲ្យមានការបណ្តុះគំនិត និងការបង្កើតគំនិតភាពជាសហគ្រិន ក្នុងចំណោមសិស្សថ្នាក់ទី៩ ដល់សិស្សថ្នាក់ទី១២។ ជយលាភីរបស់កម្មវិធីបានទៅលើ សិស្សមួយដែលមកពី Liger Leadership Academy។
ប្រធាននិយ័តករ និងកិច្ចការសារធារណៈក្រុមហ៊ុន Smart Axiata លោក Jonathan Yap បានមានប្រសាសន៍ថា៖ «នេះគឺជាចុងសប្តាហ៍មួយក្នុងចំណោមចុងសប្តាហ៍ដែលខ្ញុំពេញចិត្តជាងគេក្នុងឆ្នាំនេះដោយសារតែចុងសប្តាហ៍នេះបាននាំយកយុវជនវ័យក្មេងដ៏អស្ចារ្យទាំងនេះមកជួបជុំគ្នាជាមួយនឹងបុគ្គលឆ្នើមៗ និងឆ្លាតវៃបំផុតមកពីក្នុងតំបន់នេះ។ ដោយមើលឃើញពីការបង្ហាញផ្នត់គំនិតល្អៗផ្សេងគ្នាក្នុងព្រឹត្តការណ៍នេះ បានធ្វើឲ្យយើងមានមោទនភាព ដោយក្លាយជាផ្នែកមួយនៃដំណើរឌីជីថលរបស់កម្ពុជា ដែលយើងអាចគាំទ្រដល់ការបង្ហាញពីទេពកោសល្យដ៏អស្ចារ្យ ចំណង់ចំណូលចិត្ត និងភាពស្វាហាប់ ទៅក្នុងវិស័យបច្ចេកវិទ្យាក្នុងតំបន់»។
កម្មវិធីសហគ្រិនទាំងបីនេះគឺរៀបចំបានដោយមានកិច្ចសហប្រត្តិបត្តិការជាមួយនឹងវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន (NIPTICT) ក្រសួងអប់រំ យុវជន និងកីឡា (MoEYS) និងក្រសួងប្រៃសណីយ៍ និងទូរគមនាគមន៍កម្ពុជា (MPTC)៕